Morgunblaðið - 03.05.2018, Side 16

16 DAGLEGT LÍF
MORGUNBLAÐIÐ FIMMTUDAGUR 3. MAÍ 2018
Sundföt
2018
Bláu húsin v/Faxafen
Sími 553 7355 • www.selena.is • Selena
undirfataverslun • Næg bílastæði
Strákústagerð Ungverjar leggja mikla rækt við gamalt handverk, þessi
maður býr hér til strákúst úr alvöru stráum með gamla laginu.
Sölvi Ólafsson
solvi@mbl.is
Ég þarf að vera kominfljótlega út á Keflavík-urflugvöll til að aðstoðaungverskan ferðamann
sem er þar í vandræðum, hann talar
eingöngu ungversku,“ segir Kriszt-
ina Agueda sem hefur lítinn tíma til
að setjast niður með blaðamanni,
enda er hún með mörg járn í eld-
inum, hún rekur m.a. heilsurækt-
arstöðina Hreyfiland sem er sér-
hönnuð heilsuræktarstöð fyrir börn.
Krisztina er ungversk og hefur verið
búsett á Íslandi í tuttugu ár. Hún
hefur verið óþreytandi við að aðstoða
við að liðka fyrir samskiptum Íslands
og Ungverjalands og hún var kosin
formaður Ungverska menningar-
félagsins á Íslandi fyrr á þessu ári.
„Menningarfélagið Ísland -
Ungverjaland var stofnað 1992, en
starfsemin hafði legið niðri um nokk-
urt skeið þegar Maurizio Tani endur-
reisti félagið fyrir nokkrum árum.
Félagið hefur einkum verið í sam-
skiptum við menningarfélagið í borg-
ini Besenyszög í Ungverjalandi. Þar
búa rúmlega þrjú þúsund manns og
íbúarnir hafa verið einstaklega
áhugasamir um Ísland. Þeir eru
stoltir af uppruna sínum og menn-
ingu og kynna hana víða. Samfélag
þeirra einkennist af mikilli samstöðu
og allir hafa metnað fyrir fólkið sitt.
Þeir leggja mikla rækt við gamalt
handverk, sönglist og sögu. Það er
aðdáunarvert að sjá hve vel þeir
huga að því að sinna menningu í
barnaskólanum, þar verða list-
greinar svo sannarlega ekki út und-
an. Og þeir hafa ástríðu fyrir list
sinni.“
Krisztina segir íbúana í Beseny-
szög hafa nýtt sér tengslin við menn-
ingarfélagið Ísland- Ungverjaland
og hafa á þeirra vegum komið til Ís-
lands hópar listamanna á öllum aldri.
„Þeir hafa m.a. kynnt þjóðdansa
og söngva, handverk og verið með
list- og menningarviðburði. Þeir voru
með fjölmennan hóp af listamönnum
í Hörpu á menningarnótt fyrir
tveimur árum,“ segir Krisztina og
bætir við að einnig hafi farið hópar
héðan frá Íslandi sem hafi styrkt
tengslin við Ungverjaland.
„Nú í vor heimsótti íslenskur
hópur Besenyszög og kynnti þar
meðal annars starf kóra og fjallaði
um stöðu jafnréttismála á Íslandi.
Auk þess kynnti hópurinn sér skóla-
og annað menningarstarf í Beseny-
szög. Þetta er mjög blómlegt og
ánægjulegt menningarstarf.“
Meðal viðburða hjá Krisztinu á
næstunni er að á morgun, föstudag 4.
maí, ætla Ungverjar að taka virkan
þátt í Evrópudeginum.
„Dagurinn verður haldinn hátíð-
legur hjá Stofnun Vigdísar Finn-
bogadóttur, Veröld. Þar munu
fulltrúar nokkurra ESB-landa bjóða
upp á mat og drykk, auk skemmti-
atriða. Við ætlum að kynna ung-
verska matargerð og ungverskir tón-
listarmenn sem búa á Íslandi munu
spila ungverska tónlist á píanó og
flautu. Auk þess höfum við fengið
dansara frá Besenyszög til að sýna
þjóðdansa. Ég get lofað því að þetta
verður gaman,“ segir Krisztina.
Heilmikið framundan
Krisztina segir félagið vera að
leita að húsnæði, því aðstöðuleysi
standi þeim fyrir þrifum.
„Við þurfum húsnæði til að
koma saman og sinna því sem við er-
um að gera. Við höfum staðið fyrir
kennslu í ungversku og okkur langar
að bæta við námskeiðum í ung-
verskri sögu. Auk þess viljum við
sinna handavinnu með vísun til Ung-
verjalands. Einnig rekum við lítið
bókasafn þar sem hægt er að nálgast
bækur á ungversku,“ segir Krisztina
og bætir við að til standi að halda
a.m.k. þrjá viðburði síðar á árinu.
Þann 20. ágúst verður þjóðardagur,
en þá er talið að Ungverjaland hafi
verið stofnað af Stefáni I konungi um
árið 1000. Ungverjar minnast líka 23.
október, vegna byltingarinnar árið
1956. Þá er einn af þjóðhátíðar-
dögum Ungverja, en þann dag árið
1989 var lýst yfir stofnun þriðja lýð-
veldis Ungverjalands.
„Við erum að vinna í dagskránni
sem verður kynnt þegar nær dregur.
Okkur langar líka að halda upp á 15.
nóvember, en það er dagur sem
Ungverjar utan Ungverjalands
halda hátíðlegan. Þann mánaðardag
árið 1580 fæddist Gabriel Bethlen
prins af Transilvaníu, en hann er
verndari lista og var umburðar-
lyndur foringi til dæmis gagnvart
ólíkum trúarbrögðum. Við viljum
auðvitað fá sem flesta til að fagna
með okkur, bæði Ungverja og Ís-
lendinga.“
Ungverjar hafa ástríðu fyrir list sinni
Ungverjar eru stoltir af
uppruna sínum og menn-
ingu og kynna hana víða.
Á morgun, föstudag, verð-
ur ungversk matargerð
kynnt á Evrópudeginum,
ungverskir tónlistarmenn
stíga á svið sem og ung-
verskir dansarar.
Kát Hluti af stjórn Menningarfélags Íslands og Ungverjalands í ferðinni til
Ungverjalands í vor. F.v. Anita Bella, Krisztina G. Agueda og Maurizio Tani.
Dans Þessir ungu dansarar frá Besenyszög dönsuðu fyrir gesti frá Íslandi.
Upplýsingar um félagið á Fésbók:
Félagið Ísland - Ungverjaland
Einnig er hægt að senda fyrir-
spurnir á netfang: felagisland-
ungverjaland@gmail.com.
Borgarbókasafnið er öflugt við að
hýsa hina ólíkustu viðburði og sýn-
ingar og miðla þannig menningu til
borgaranna. Borgarbókasafnið í
Spönginni ætlar að hýsa lokasýningu
nemenda á listnámsbraut í Borgar-
holtsskóla, sem er einmitt til húsa í
sama hverfi. Óhætt er að hvetja fólk
til að kíkja á sýninguna því nemenda-
sýningar eru jú oft skemmtilegustu
sýningarnar, ungir og upprennandi
listamenn eru gjarnan frumlegir og
framsæknir. Nemendur á listnáms-
braut Borgarholtsskóla sýna loka-
verkefni sín á þessari sýningu, en
þeir útskrifast í vor eftir þriggja ára
nám í grafískri hönnun. Verk þeirra
eru fjölbreytt, á sýningunni eru m.a.
teikningar, skjáverk, bækur og
margskonar önnur prentverk ásamt
ferilmöppum. Allir eru hjartanlega
velkomnir á opnun sýningarinnar
sem verður í dag, fimmtudag 3. maí
kl. 17. Sýningin stendur til 16. maí.
Lokasýning nemenda á listnámsbraut Borgarholtsskóla
Ungir og upprennandi lista-
menn sýna afrakstur sinn
Allskonar Á sýningunni verða teikningar, skjáverk, bækur og önnur prentverk.