Morgunblaðið - 03.05.2018, Qupperneq 54

Nú hafa 1.100 manns farið í gegn-
um námskeið hjá þér og sumir koma
jafnvel oftar en einu sinni. Hvers
vegna hefur þetta slegið svona í
gegn?
„Ég held að einfalda svarið sé að
það virkar. Fólk losnar á einungis 24
dögum við þráláta höfuðverki, bólgur
í liðum, bjúg, bakflæði, meltingin
batnar til muna og almenn vellíðan
eykst. Hjá ýmsum lækkar blóðþrýst-
ingur, svefninn batnar og lundin
verður léttari. Ég fæ iðulega pósta og
símtöl frá fólki sem segist vilja koma
á námskeið af því að vinkona eða vin-
ur þess hafi komið og líti svo vel út
og líði svo vel. Það er sérlega
ánægjulegt að sjá þetta
ferli virka fyrir svona
marga.“
Oft heyri ég fólk á
miðjum aldri tala um
að það taki því ekki
að tileinka sér tækni-
nýjungar. Þú ert
ekki stödd þar held-
ur býður fólki upp á
námskeið online eins
og sagt er. Er ekki
nauðsynlegt að geta
þjónustað þá sem
búa erlendis eða eiga
ekki heimangengt?
„Ég lít svo á að ég
sé alltaf að læra og
tækninýjungar eru
þar ekki undan-
skildar. Ég byrjaði
að bjóða netnámskeið í
upphafi þessa árs og eft-
irspurnin hefur sífellt aukist. Þau
gefa fólki á landsbyggðinni, í sum-
heilsu okkar því minningin um það
sem fyrir okkur hefur komið situr í
frumunum og getur leitt til sjúk-
dóma. Ein vinkona mín sem hefur
mikla innsýn í þessi mál segir að ef
við vinnum ekki úr gömlu áföllunum
okkar komi þau oft fram sem alvar-
legir sjúkdómar í kringum sextugt,“
segir Guðrún.
Á námskeiðunum leggur Guðrún
mikla áherslu á að fólk taki inn
ákveðin vítamín sem hjálpa fólki að
halda sig frá sykri og annarri óholl-
ustu.
„Í vítamínpakkanum eru magn-
esíum & kalsíum 2:1, probiotic 10
góðgerlar, silymarin sem er virka
efni í mjólkurþistli, omega 3 og lykt-
arlaus hvítlaukshylki, auk psyllium
husk sem er góðar trefjar fyrir melt-
inguna.
Í magnesíum- og kalsíumblönd-
unni, sem er mikilvæg fyrir ótal boð-
skipti í líkamanum og stuðlar að auk-
inni hægðalosun eru líka sink og D-3,
sem gera upptöku bætiefnanna betri.
Góðgerlarnir eru nauðsynlegir til að
byggja upp betri þarmaflóru, en
ástand örveruflórunnar þar hefur svo
mikil áhrif á heilsu okkar almennt.
Silymarin er styrkjandi fyrir lifrina,
en hún er nokkurs konar endur-
vinnslustöð líkamans. Omega 3 virk-
ar vel fyrir hjarta- og æðakerfið, auk
þess sem það styrkir slímhúð lík-
amans og hvítlaukurinn drepur bakt-
eríur sem kunna að vera í melting-
arveginum. Þar er oft meira af þeim
en marga grunar. Husk trefjarnar
eru svo góðar til að þétta hægðirnar,
auk þess sem þær virka sem næring
fyrir góðgerlana.“
arhúsum og erlendis tækifæri á að
vera með og fá daglegan stuðning í
gegnum ferlið, en hann kemur í
gegnum Facebook-hóp,“ segir hún.
Þú hugsar námskeiðin ekki út frá
því að léttast heldur leggur mikið
upp úr því að fólk lengi líf sitt og
verði ekki veikt. Er sú hugsun ekki
vænlegri til árangurs heldur en fólk
sé bara að hugsa um að léttast?
„Hreiniskúrinn byggist fyrst og
fremst á því að styrkja heilsu hvers
og eins og hjálpa fólki að finna út
hvaða fæðutegundir það eru sem
gætu verið að valda bólgum og ýms-
um óþolseinkennum. Hann eykur því
lífsgæðin og þau eru svo mikilvæg.
Bónusinn er svo að margir
léttast, eiga auðveldara með
allar hreyfingar og verða
léttari í lund.“
54
MORGUNBLAÐIÐ FIMMTUDAGUR 3. MAÍ 2018
Glæsilegt úrval
af trúlofunar- og
giftingarhringa-
pörum
Hátúni 6a | Sími 577 7740 | carat.is | acredo.is
Verð á pari: 236.141 kr.
Marta María Jónasdóttir
mm@mbl.is
„Hæ hæ.
Mig langar að fá ráð hjá þér varð-
andi ástarsamband sem ég er í sem ég
hef áhyggjur af. Ég kynntist kærast-
anum mínum fyrir fimm árum og
fyrsta árið var allt í alsælu. Hann fékk
ekki nóg af mér og ég var skvísan sem
hann hafði alltaf dreymt um. Á þess-
um tíma ætlaði ég alls ekki á fast, fór
mikið út og var bara að leika mér. En
riddarinn á hvíta hestinum lét mig
ekki vera og ég varð sannfærð um að
hann væri málið. Í dag er sambandið
vægast sagt lélegt. Hann er svo sann-
arlega ekki maðurinn sem ég hélt að
hann væri. Ekki svo að skilja að hann
sé leiðinlegur við mig. Hann er bara
aldrei heima og hefur lítinn sem engan
áhuga á mér. Ég held hins vegar svo-
lítið fast í þennan tíma sem við áttum
saman í byrjun og get staðfastlega
sagt að hann er maður drauma minna,
ef hann myndi bara slaka aðeins á og
gefa okkur tíma í stað þess að vera
upptekinn í vinnu, á barnum eða í tóm-
stundum. Við erum í algjöru „haltu
mér slepptu mér“ sambandi í dag.
Við höfum undanfarin ár hætt sam-
an þrisvar sinnum. Á þeim tíma hef ég
farið í gegnum djúpan dal en svo sætt
mig við að við eigum greinilega ekki að
vera saman. Í hvert skipti sem við
hættum saman kemur hann til baka,
lofar gulli og grænum skógum. Og
þannig heldur hringurinn áfram. Hvað
á ég að gera? Ég er orðin svo ótrúlega
þreytt á því að vera í þessu sambandi
þar sem ég er greinilega ekki nóg fyrir
hann eins og ég er. Hins vegar finnst
mér lífið svo grátt án hans og ég velti
því fyrir mér hvort til séu leiðir til að
lifa af í svona samskiptum. Hverjar
eru þær þá?
Kær kveðja, Ráðalaus.
„Sæl mín kæra!
Eins og þú lýsir sambandinu þínu
þá get ég ímyndað mér hversu miklum
tíma þú ert að eyða í það. Þú lýsir sam-
skiptum á milli tveggja mjög ólíkra
einstaklinga og ef ég væri með ykkur í
ráðgjöf myndi mig langa til að vita
hvernig þið voruð alin upp. Áttir þú
fjarlægan föður? Átti hann mömmu
sem var hans besti félagi? Samböndin
sem við erum í sem fullorðið fólk end-
urspegla nefnilega oft þau geðtengsl
sem við áttum í æsku, en einnig þau
tengsl sem við aldrei mynduðum.
Ef þú horfir á einn dag í einu og
horfir hvorki til framtíðar né fortíðar,
hvernig myndir þú lýsa manninum
sem þú ert með? En þér?
Það sem mér þykir sársaukafyllst í
svona mynstri er hvað báðir aðilar
verða langt frá því að vera besta útgáf-
an af sér. Mér sýnist sem svo að áskor-
un ykkar beggja felist í að tengjast.
Hans alveg pottþétt, en skoðaðu þinn
hluta líka. Ef hann sér áskorunina í
sambandinu eins og þú gerir þá eigið
þið góðan séns.
Ef þig langar raunverulega að
skoða þinn hluta í málinu er alltaf
gaman að setjast niður og skoða: Er
ég stjórnsöm við maka minn? Langar
mig að breyta honum? Fyrir hvern?
Það er svo magnað þegar maður
áttar sig á því að maður getur aldrei
breytt öðrum. Maður á í hinu mesta
basli við að breyta sér og afstöðu sinni
til málanna.
Ég mæli af heilum hug með Al-anon
fyrir þig (eða öðru meðvirknipróg-
rammi). Ef þú vilt prófa að halda
áfram í sambandinu getur þú aftengt
þig mörgu af því sem er óheilbrigt í
sambandi ykkar og byrjað að tengjast
þér betur. Skoðaðu hvaða tómarúm
hann er eða á að vera fylla hjá þér.
Prófaðu að sleppa honum bara alveg
lausum í sambandinu og vertu með
augun opin fyrir því hver hann er
raunverulega. Veltu því svo fyrir þér
hvort þetta sé maðurinn sem þig lang-
ar að vera með í framtíðinni.
Eins er gott að setjast niður með
sjálfum sér og gera samning um
hversu langt maður er tilbúinn að
fara áfram með samband sem er
óheilbrigt. Ertu til í einn annan
hring með honum? Eða ertu til í að
taka ábyrgð á þér og breyta til?
Ég get í það minnsta lofað þér að
óheilbrigð munstur batna ekki af
sjálfu sér og hver svo sem hann eða
þú varst í byrjun sambandsins hefur
ekkert með sambandið ykkar í dag
að gera. Loforð eru frábær ef þeim
er fylgt eftir strax. Þau eru í raun
eins og lítil grátandi börn í leikhúsi,
það þarf að bera þau út strax (fram-
kvæma). En þau eru lítils virði
hangandi yfir sambandi í mánuði
eða ár.
Lærðu að setja mörk og elska þig.
Þannig ferðu skrefi nær því að geta
elskað annan einstakling á upp-
byggilegan og heilbrigðan hátt.
Gangi þér vel!“
Riddarinn á
hvíta hestinum
Morgunblaðið/Eggert Jóhannesson
Elínrós Líndal NLP ráðgjafi gefur ráð. Lesendur Smartlands eru hvattir
til að senda spurningar á smartland@mbl.is.
Á Smartlandi starfa nokkrir ráðgjafar sem leitast
við að gefa lesendum góð ráð. Eftirfarandi bréf
barst á dögunum frá lesanda sem er óviss með
ástarsambandið sitt. Kærastinn fór frá því að vera
riddarinn á hvíta hestinum í það að vera fjarlægur
og upptekinn af sínu. Einstaklings- og fjölskyldu-
ráðgjafinn Elínrós Líndal gefur ráð.