Morgunblaðið - 03.05.2018, Blaðsíða 18

18 FRÉTTIRInnlent
MORGUNBLAÐIÐ FIMMTUDAGUR 3. MAÍ 2018
Kringlunni 4c – Sími 568 4900
KRINGLUKAST3. - 7. maí
20%
afsláttur
af öllum vörum
Samræmd könnunarpróf í íslensku
og ensku eru nú aftur lögð fyrir nem-
endur í 9. bekk eftir að tæknileg
vandamál komu upp við próflögnina í
mars.
Samkvæmt reglugerð sem síðast
var breytt fyrr á þessu ári ber skól-
um skylda til að leggja prófin fyrir,
annaðhvort að vori eða hausti, og
gefa þannig nemendum sínum kost á
að þreyta prófin aftur. Skólarnir
gátu því valið hvort prófin yrðu tekin
núna dagana 30. apríl til 11. maí eða
10. til 15. september.
Próf í 15 skólum í haust
Af rúmlega 140 skólum sem leggja
fyrir könnunarpróf völdu fimmtán að
vera með prófin næsta haust, sam-
kvæmt upplýsingum frá Mennta-
málastofnun.
Öllum nemendum 9. bekkjar gefst
kostur á að þreyta prófin, hvort sem
þeir náðu að ljúka prófunum í mars
eða ekki. Það er val nemenda, í sam-
ráði við forráðamenn, hvort þeir taki
prófin aftur eða ekki.
Vegna tæknilegra vandamála við
próflögnina í mars var farið vand-
lega yfir ferla og viðbragðsáætlanir
endurbættar, segir á vef Mennta-
málastofnunar.
„Þjónustuaðilinn, Assessment
Systems, hefur aukið við tölvubúnað
og munu fulltrúar hans verða til
staðar á Menntamálastofnun alla
prófdagana. Fengnir hafa verið ut-
anaðkomandi sérfræðingar til að
fara yfir tæknilega þætti prófakerf-
isins og fylgjast með undirbúningi.
Er það von Menntamálastofnunar og
þjónustuaðila að þessar ráðstafanir
verði til þess að fyrirlögn prófanna
gangi sem best,“ segir á vef stofn-
unarinnar. ingveldur@mbl.is
Samræmd próf
lögð fyrir að nýju
 Fimmtán skólar
völdu að leggja prófin
fyrir í haust
Morgunblaðið/Eyþór
Í prófi Samræmdu prófin eru nú
lögð fyrir aftur eftir klúður í mars.
Helgi Bjarnason
helgi@mbl.is
Viðbygging við hjúkrunar- og dval-
arheimilið Kirkjuhvol á Hvolsvelli
hefur verið tekin í notkun. Aðstaða
heimilisfólks og starfsfólks batnar
mikið en ekki hefur fengist fjárveit-
ing til að fjölga heimilisfólki þrátt
fyrir að biðlisti sé eftir plássum.
Viðbyggingin er 1.500 fermetrar
að stærð. Í henni eru 12 rými og að
auki nýr matsalur og eldhús og
bætt starfsmannaaðstaða.
„Þjóðin er að eldast og aukin þörf
er fyrir hjúkrunar- og dvalarrými.
Þá eru eldri byggingar Kirkjuhvols
börn síns tíma,“ segir Ísólfur Gylfi
Pálmason, sveitarstjóri Rangár-
þings eystra.
Ríkið stendur ekki við sitt
Viðbyggingin kostaði tæplega 600
milljónir kr. Hún er byggð á kostn-
að sveitarfélagsins nema hvað ríkið
hyggst leggja fram 202 milljónir.
Tekur Ísólfur Gylfi fram að ríkið
hafi enn ekki greitt nema þriðjung
af sínu framlagi þótt byggingin sé
tilbúin.
Þótt 12 ný rými séu í viðbygging-
unni er ekki hægt að fjölga heim-
ilisfólki sem því nemur. Ísólfur Gylfi
segir að stokkað verði upp í eldri
byggingum. Tekin úr notkun her-
bergi sem ekki eru með nógu góðri
aðstöðu og svo verði íbúðir sem þar
eru leigðar út á almennum markaði.
Hjúkrunarforstjóri hefur óskað
eftir því að fá fjárveitingu fyrir
fjölgun rýma í hjúkrunar- og
dvalarplássum. „Enn sem komið er
höfum við ekki fengið leyfi fyrir
viðbótarrýmum en stefnum að því
vegna þess að biðlisti er að heim-
ilinu og fólk bíður þess að komast
að,“ segir sveitarstjórinn. Hann
bætir því við að vegna plássleysis
hafi fólk þurft að fara á dvalarheim-
ili í öðrum sveitarfélögum en það
hafi stundum verið kallað „nútíma-
hreppaflutningar“. Sagði hann
æskilegt að gefa fólki kost á að búa
í sínu sveitarfélagi og talaði um
tregðu í kerfinu þegar hann var
spurður hvers vegna ekki fengist
leyfi til að nýta nýju rýmin.
Ljósmynd/Sigurður Jónsson
Viðburður María Jónsdóttir og Guðrún Sveinsdóttir, báðar 100 ára, aðstoð-
uðu Ólöfu Guðbjörgu Eggertsdóttur hjúkrunarforstjóra við opnunina.
Ekki fjárveiting til
að nýta nýju rýmin
Kirkjuhvoll
» Hjúkrunar- og dvalarheim-
ilið var tekið í notkun 1. mars
1985.
» Þar eru 28 heimilismenn.
Starfsmenn eru rúmlega 50.
» Viðbyggingin var formlega
tekin í notkun við hátíðlega at-
höfn 1. maí.
Tölvuverslunin Tölvutek mun í sam-
starfi við framleiðandann Acer gefa
25 Chromebook-fartölvur til skóla-
starfs á Íslandi á næstunni. Grunn-
skólar geta sótt um að taka þátt í
þessu verkefni og verður einn þeirra
fyrir valinu og fær 25 tölvur að gjöf.
Fram kemur í tilkynningu að far-
tölvurnar nýtast bæði sem námstæki
en ekki síður sem kennslutæki með
tilkomu Google for Education um-
hverfisins, sem inniheldur meðal ann-
ars hið vinsæla Classroom, en það er
ókeypis fyrir skóla. Classroom býr til
bekkjarkerfi sem auðveldar skipu-
lagningu á verkefnum og vinnslu
þeirra ásamt því að auðvelda sam-
skipti beint á milli nemenda og kenn-
ara í rauntíma, hvort sem er í verk-
efnavinnu eða fyrirspurn henni
tengdri.
Páll Ásgeir Torfason, kennari í
Fellaskóla og Google-sérfræðingur,
hefur komið að innleiðingu Chro-
mebook í skólum. Mun Páll Ásgeir
taka þátt í að velja hvaða skóli hlýtur
tölvurnar 25. Páll Ásgeir skrifaði ný-
lega grein um það hvernig Google
nýtist í skólastarfi en þar segir meðal
annars: „Google í skólastarfi er vett-
vangur stafrænna verkfæra frá Go-
ogle (Google Docs, Google Sheets,
Google Slides o.s.frv.) sem nýtt eru til
að búa til og dreifa stafrænum skjöl-
um, auka samskipti og samvinnu í
skólastarfi og tengja nemendur og
kennara saman. Allt í gegnum þau
verkfæri sem kerfið býður upp á. Öll
gögn eru geymd í öruggu skýi og þau
eru aðgengileg hvar sem er og hve-
nær sem er. Tölvuumhverfið byggist
á umsjónarkerfinu G Suite Education
sem er einskonar umgjörð í kringum
Google kerfi skólans sem einnig held-
ur utan um notkun og notendur innan
skólans.“
Halldór Hrafn Jónsson, fram-
kvæmdastjóri sölusviðs hjá Tölvutek,
segir þetta afar spennandi verkefni
að taka þátt í. „Tölvutek hefur sinnt
innleiðingu Chromebook-fartölva í
skólaumhverfið og var með fyrstu
fyrirtækjum landsins til að hljóta við-
urkenningar frá Google fyrir sölu og
þjónustu til skóla. Í skólastarfinu er
mikilvægt að geta fengið þjónustu
varðandi nýjustu tækni,“ er haft eftir
honum í tilkynningunni.
Skólar sem vilja taka þátt í verk-
efninu geta sótt um að vera valdir
með því að senda umsókn á upplýs-
ingavefnum www.chromebook.is.
Gefa 25 fartölvur til
útvalins grunnskóla
 Nýtast bæði sem námstæki og kennslutæki í skólastarfi
Tölvugjöf Páll Ásgeir Torfason
kennari og Halldór Hrafn Jónsson.
Skúli Eggert Þórðarson tók í gær
formlega við embætti ríkisendur-
skoðanda. Steingrímur J. Sigfús-
son, forseti Alþingis, setti Skúla í
embættið í húsnæði Ríkisendur-
skoðunar.
Skúli Eggert var einróma kosinn
ríkisendurskoðandi af Alþingi í síð-
asta mánuði. Hann tekur við emb-
ættinu af Sveini Arasyni. Skúli
Eggert er fimmti einstaklingurinn
sem gegnir embættinu. Hann er
lögfræðingur að mennt og hefur
síðustu ellefu ár verið ríkisskatt-
stjóri. Áður starfaði hann sem
skattrannsóknarstjóri og vararíkis-
skattstjóri.
Skúli settur í
embættið
Morgunblaðið/Valli
Athöfn Skúli Eggert Þórðarson ríkisendurskoðandi, Steingrímur J. Sigfús-
son, forseti Alþingis, og Sveinn Arason, fyrrverandi ríkisendurskoðandi.