Morgunblaðið - 03.05.2018, Blaðsíða 20

20 FRÉTTIRInnlent
MORGUNBLAÐIÐ FIMMTUDAGUR 3. MAÍ 2018
Rekstrarland er hluti af Olís
NILFISK VINNUR
VERKIÐ Á
METHRAÐA
Nilfisk fæst í Rekstrarlandi, Vatnagörðum 10. Þetta danska vörumerki
þekkja flestir enda gæðaryksugur sem hafa þjónað íslenskum heimilum
dyggilega í áratugi. Komdu og skoðaðu Nilfisk ryksugurnar og úrvalið
af fylgihlutum, hausum, börkum og ryksugupokum.
Nilfisk fæst í verslun Rekstrarlands, Vatnagörðum 10 og hjá útibúum Olís um land allt.
VIRKA DAGA
KL. 8–17.
O
VIÐTAL
Sigurður Bogi Sævarsson
sbs@mbl.is
Eggert Jóhannsson feldskeri, sem í
áratugi hefur undir eigin nafni rekið
verslun og verkstæði efst við Skóla-
vörðustíg í Reykjavík, hættir starf-
semi undir lok þessa mánaðar. Lokað
verður 30. maí og í sumar kemur í
húsið á Skólavörðustíg 38 verslun
undir merkjum Icewear. Verkstæðið
verður þó starfrækt enn um sinn til að
sinna umsömdum verkefnum sem
ólokið er.
Vil skapa mér svigrúm
„Það eru mest persónulegar ástæð-
ur fyrir því að ég er að rifa seglin nú.
Mér finnst ég hafa lifað minn besta
tíma í iðninni og er búinn að öllu því
sem mig langar. Á undanförnum ár-
um hef ég misst marga vini mína og sé
eftir því að hafa ekki varið meiri tíma
með þeim. Vil því skapa mér svigrúm
til að njóta stunda með öðrum vinum,
fjölskyldunni og sinna áhugamálum,“
segir Eggert við Morgunblaðið í gær.
„Síðan er hitt að rekstur lítils fyr-
irtækis krefst allrar athygli þinnar og
því vil ég nú einfaldlega fara að slaka
á. Í framtíðinni langar mig til þess að
sinna umhverfismálum, svo sem nátt-
úru- og dýravernd. Í umræðu um þau
efni eru áherslurnar rangar þegar
spjótum er beint gegn smábændum
og veiðimönnum. Þar vil ég láta til
mín taka, svo sem með því að tala fyr-
ir sjálfbærri nýtingu náttúrunnar þar
sem hvert lífríki styður við annað.“
Hér gerðust góðir hlutir
Skólavörðustígurinn er gata þar
sem er iðandi mannlíf allan daginn og
ferðamenn mjög áberandi. Þangað
flutti Eggert starfsemi sína árið 1986,
en bragurinn á þessum slóðum var
talsvert annar þá en er nú.
„Hér voru nokkrir gullsmiðir og
gallerí en starfsemin ekki nándar
nærri eins lífleg og hún er í dag. En
svo tókst að skapa samfélag þeirra
sem starfa hér á Skólavörðustíginn og
þannig gerðust góðir hlutir. Hér er í
dag fjölbreytt starfsemi fólks sem til
dæmis er í handverki, veitingarekstri
og fleiru. Þetta eru vinsælir staðir því
hér fara ferðamenn mikið hér um á
leið sinni upp að Hallgrímskirkju.
Starfsemi hér við Skólavörðustíginn
dafnar og gatan er vettvangur ýmissa
skemmtilegra viðburða, þar sem má
nefna blómadag, blúsdag og kjötsú-
puhátíðina í vetrarbyrjun ár hvert. Að
hafa átt þátt í að skapa þetta líflega
samfélag er mjög ánægjulegt og mér
finnst ég fara frá mjög góðu búi.“
Sjávarleður og lambaskinn
Eggert segist eftir að hafa starf-
rækt feldskeraverkstæði í 41 ár vera
ánægður með framlag sitt til íslenskr-
ar handverksmenningar. Sjálfbærni
hafi líka alltaf verið stefna sín, svo
sem samstarf við Sjávarleður á Sauð-
árkróki, en árið 2001 vann Eggert í
samstarfi við það fyrirtæki að bættri
nýtingu á fiskiroði. Framlag Eggerts í
samstarfinu var aðallega að breyta
vinnubrögðum við sútun svo efnið
nýttist betur í fatnað. Má þar nefna
línu af fiskiroðsfatnaði sem sýnd var í
Mílanó á Ítalíu og vakti athygli þar.
„Annað verkefni sem ég kom að og
finnst vænt um var ýtt úr vör árið
2010 og nefnist Born Again. Það snér-
ist um að nýta skinn af lömbum sem
drápust á vorin rétt eftir burð og var
einfaldlega hent. Hinn kunni blaða-
maður A.A. Gill sem starfaði hjá
Sunday Times kom með nafnið þegar
hann ræddi við mig um þetta verkefni
sem var það fyrsta sem við Helga
Björnsson hönnuður unnum saman,
Gill var svo driffjöðrin í samstarfi
mínu við hina heimsþekktu Savile
Row klæðskera Anderson og Shepp-
ard í London,“ segir Eggert og heldur
áfram:
„Það er svo merkilegt að á erf-
iðleikatímum í kjölfar efnahagshruns-
ins urðu sauðfjárbændur móttæki-
legri fyrir nýsköpun og tilbúnir í
breytingar. Fóru að hugsa öðruvísi og
leita nýrra tækifæra til að auka tekjur
sínar. Í samstarfi við sútunarverk-
smiðjuna Loðskinn þróuðum við að-
ferð til að nýta skinnin af þessum
lömbum og það hefur komið vel út.“
Eggert hefur í tímans rás unnið
með mörgum hönnuðum, ekki síst
ungum íslenskum sem eru auk Helgu
Björnsson, Elísabet Karlsdóttir,
Bergur Guðnason og Ólöf Sigríður Jó-
hannsdóttir. Árið 2011 komu svo
Anna Gulla, dóttir Eggerts, og Har-
per maður hennar inn í rekstur fyr-
irtækisins og hafa haft mikil áhrif í
starfseminni.
Handverk á undanhaldi
„Það breytti heilmiklu að fá þau
Önnu Gullu og Harper í samstarf, þau
komu með ýmsar nýjar áherslur og
höfðu í mörgum málum annað sjón-
arhorn en ég. Þá fórum við til dæmis
að leggja meiri áherslu á íslenskt
handverk og stundum hafa meira að
segja komið til okkar viðskiptavinir
erlendis frá sem sækja hingað gagn-
gert til að hitta þann sem útbýr grip-
inn. Hitt er annað að handverksiðn-
aður er mjög á undanhaldi enda í
harðri samkeppni við fjöldafram-
leiðslu í löndum þar sem laun eru mun
lægri en hér. Framtíðin í þessu er því
mjög óráðin,“ segir Eggert feldskeri
að síðustu.
Finnst ég fara frá góðu búi
 Eggert feldskeri lokar verslun og verkstæði  Vill helga sig umhverfismálum  Skemmtilegt við
Skólavörðustíginn  Sjálfbærni og nýsköpun  Segir handverksiðnað vera mjög á undanhaldi
Morgunblaðið/RAX
Kaupmaður Eggert feldskeri í búðinni sem árið 2013 fékk verðlaun sem framúrskarandi ferðamannaverslun.
Áhugamál Tími til að njóta. Eggert væntir þess að geta sinnt hestamennsku
meira, nú þegar hann hættir störfum í iðngrein sinni eftir langan feril.
Eggert Jóhannsson hélt til
náms í London árið 1970 hjá
Jack Marcel í Bond Street. Ár-
ið 1972 hélt hann áfram í námi
í Tranås í Svíþjóð, meðal ann-
ars hjá Doris og Thord Stille.
Doris var fyrsta konan í heim-
inum til að verða meistari í
feldskurði og hafði mikil áhrif
á Eggert. Fyrirtækið Eggert
feldskeri var stofnað í júlí 1977
og sama ár var hafin útflutn-
ingur á mokkafatnaði til Nor-
egs. Árið 1979 opnaði fyr-
irtækið verkstæði og verslun á
Laugavegi 66 og árið 1986 var
starfsemin flutt á Skólavörðu-
stíginn hvar hún hefur verið
síðan.
Árið 2012 hlaut Eggert feld-
skeri verðlaun sem fram-
úrskarandi ferðamannaverslun
og 2014 var Eggert valinn
Heiðursiðnaðarmaður ársins.
Þá hefur Eggert sinnt ýmsu
öðru á ferlinum, meðal annars
við hönnun í New York. Þá sit-
ur hann í stjórn IFF – Inter-
national Fur Federation sem er
alþjóðleg samtök fólks í feld-
skeraiðn.
Langur og lit-
ríkur ferill
feldskerans
STARFSEMI Í 41 ÁR