Morgunblaðið - 03.05.2018, Qupperneq 51

urnar væru minni nýliðun eftir 2014
og mikið alþjóðlegt veiðiálag.
Óvissa varðandi
nýliðun síðustu tvö ár
Stofnmat alþjóðahafrannsókna-
ráðsins 2017 bendir til að árganga-
stærð 2016 og 2017 hafi farið niður á
við, en Anna Heiða segir það byggj-
ast á veikum grunni. Upplýsingar
um árgangastærð makríls 2016 og
2017 byggist eingöngu á veiðigögn-
um en uppistaða í makrílafla sé alla
jafna 3-8 ára fiskur.
Gögn fyrir nýliðunarvísitölu eru
ekki til fyrir þessa árganga og vant-
aði í stofnmatið fyrir þessi ár. Tölur
um nýliðun 2016 og 2017 er því ekki
að finna í meðfylgjandi grafi.
Í grein um ástand makrílstofnsins
og ráðgjöf um veiðar á þessu ári seg-
ir hins vegar að í heildina hafi nýlið-
un verið góð frá aldamótum þar sem
nokkrir árgangar hafi verið stórir. Í
greininni segir einnig: „Frá árinu
2006 hefur makríll gengið á Íslands-
mið í fæðisleit yfir sumarmánuðina.
Niðurstöður árlegs makrílleiðang-
urs í NA-Atlantshafi sumarið 2017
benda til að álíka magn af makríl
hafið verið innan íslenskrar lögsögu
og undanfarin sumur. Ástæður auk-
innar makrílgengdar hafa verið
tengdar stækkun stofnsins, hlýnun
sjávar og fæðuframboði.“
Reikna má með að eftir um tvo
mánuði verði makrílvertíðin að fara
af stað hér við land. Makríllinn, sem
áður var flokkaður sem flækingur á
Íslandsmiðum, hefur verið þjóðar-
búinu mikilvægur síðasta áratuginn
og gengið af krafti inn á Íslandsmið
sumar eftir sumar. Í ár er kvóti Ís-
lendinga tæplega 135 þúsund tonn,
sem er nokkru minna en síðustu ár.
Veitt umfram ráðgjöf
Heildarútbreiðslusvæðið í makríl-
leiðangrinum sumarið 2017 var 7%
minna en mældist sumarið 2016 en
4% stærra en mældist sumarið 2015.
Spurð að því hvort veiðar umfram
ráðgjöf alþjóðahafrannsóknaráðsins
eigi þátt í því að hrygningarstofn
makríls hafi minnkað síðustu ár seg-
ir Anna Heiða:
„Það eru merki um minnkandi
stærð hrygningarstofns árið 2017
samanborið við 2011. Það er búið að
veiða 40% eða meira umfram veiði-
ráðgjöf frá og með 2008 og slíkar
umframveiðar munu hafa neikvæð
áhrif á stofnstærð um leið og nýliðun
minnkar. Nýliðun er óvissuþáttur í
stofnmatsreikningum og það er ekki
línuleg fylgni á milli hrygningar-
stofnsstærðar og nýliðunar. Stór
hrygningarstofn er ekki trygging
fyrir góðri nýliðun. Þannig vitum við
aldrei hvernig nýliðun verður á
næsta ári.
Það er spurning um tíma hvenær
langtímaofveiðar, líkt og við sjáum í
makríl, fara að hafa neikvæð áhrif á
stofnstærð. Við verum að bíða eftir
stofnmati 2018 áður en við fullyrðum
um árgangastærð fyrir árin 2016 og
2017.“
1998-2016
Heimild: Hafrannsóknastofnun
Veiðar á makríl umfram ICES ráðgjöf
80%
60%
40%
20%
0%
1998 2000 2002 2004 2006 2008 2010 2012 2014 2016
umfram ráðgjöf
NOREGUR
ÍSLAND
Útbreiðsla makríls 2015-2017
Þéttleiki kg/km2
Ár 0,1-100 100-1.000 >1.000
2015
2016
2017
Heimild: Hafrannsóknastofnun
51
MORGUNBLAÐIÐ FIMMTUDAGUR 3. MAÍ 2018
www.sfs.is
Fjárfesting
forsenda
framfara
Ársfundur
Samtaka fyrirtækja
í sjávarútvegi
Ávörp:
JensGarðarHelgason
formaður Samtaka fyrirtækja
í sjávarútvegi
KristjánÞór Júlíusson
sjávarútvegsráðherra
AfhendingHvatningarverðlauna
sjávarútvegsins
AfhendingstyrkjaúrRannsóknasjóði
síldarútvegsins
Erindi:
„Hvernigmáhámarka virði auðlindar?“
Heiðrún LindMarteinsdóttir
framkvæmdastjóri Samtaka fyrirtækja
í sjávarútvegi
„Auðlind vex af auðlind“
LovísaAnna Finnbjörnsdóttir
sviðsstjóri fjármálaráðgjafar Deloitte
„Afrakstur samstarfs við framsækin
sjávarútvegsfyrirtæki“
Helgi Hjálmarsson
framkvæmdastjóri Völku
Fundarstjóri
Helga SigurrósValgeirsdóttir
viðskiptastjóri í sjávarútvegsteymi
Arion banka
Hilton Reykjavík Nordica, föstudagur 4. maí kl. 13.00–15.00
Einar Helgason, smábátasjómaður
og formaður Króks á Patreksfirði,
var fljótur að ná skammtinum á
fyrsta degi strandveiða sumarsins í
gær. Hann reri frá Patreksfirði á
Sóma 860 um klukkan fimm um nótt-
ina og var kominn heim með
skammtinn fyrir klukkan níu í gær-
morgun.
„Þetta gekk bara mjög vel,“ segir
Einar. „Ég fór einhverjar 13-14 mílur
út fyrir Blakk í ágætis sjólagi, rétt
rúmar 20 mílur frá bryggju, og var
kominn með um 800 kíló af óslægðu
eftir hálfan annan tíma á miðunum.
Þetta var góður fiskur og hann var
strax vel við.“
Einar segist halda að almennt hafi
vertíðin byrjað vel fyrir vestan og
margir verið að tínast inn fyrir og um
hádegi. Miðað við upplýsingar um
fjölda báta í upphafi vertíðar segist
hann gera sér vonir um að 48 dagar á
strandveiðunum dugi út ágústmánuð.
Víða líflegt á miðunum
Víða var líflegt á miðunum á þess-
um fyrsta degi tíundu vertíðar
strandveiða og róið allt í kringum
landið. Alls höfðu 284 bátar virkjað
leyfi til veiða í gær, en það er nokkru
færra en á upphafsdegi vertíðarinnar
síðustu ár.
Í fyrra reru 374 bátar á fyrsta degi
og 413 árið 2016. Eins og undanfarin
ár eru flestir bátarnir á svæði A,
vestursvæði frá Arnarstapa til Súða-
víkur, en þar höfðu 132 bátar virkjað
leyfi sín í gær. Þeir voru 176 fyrsta
veiðidaginn í fyrra og 182 árið 2016.
Í fyrra fóru alls tæplega 600 bátar í
heildina á strandveiðar og hafði þá
fækkað um 70 frá árinu á undan.
Snöggur að ná
skammtinum
fyrsta daginn