Morgunblaðið - 03.05.2018, Side 26

stititute of Arts, er vel þess virði að heim-
sækja, en þar er m.a. sjálfsmynd Vincents Van
Goghs, sem var fyrsta verk listamannsins sem
komst í eigu listasafns í Bandaríkjunum. Auk
þess eru þar ýmsir dýrgripir, t.d. magnað mál-
verk ítalska endurreisnarmálarans Caravag-
gios, sem var uppi á 16. og 17. öld, sem sýnir
systurnar Mörtu og Maríu Magdalenu og stór-
fenglegar englamyndir ítalska málarans Fras
Angelicos, sem var uppi um 200 árum fyrr.
Freskur Diegos Rivera
Einna eftirtektarverðast á safninu eru þó
freskur mexíkóska listmálarans Diegos Riv-
era, eiginmanns listakonunnar Fridu Kahlo.
Þær sýna verkamenn að störfum í bílaverk-
smiðjum Fords og var verkið málað að beiðni
Edsels Fords, sem var sonur Henrys Fords
og tók við af honum sem forstjóri Ford-
bílaverksmiðjanna. Á þessum tíma vakti það
furðu margra að Rivera, sem var yfirlýstur
marxisti, skyldi taka að sér verkefni fyrir
Ford, sem þótti holdgervingur kapítalismans á
þessum tíma, en sjálfur sá Rivera verkið sem
óð til verkamannsins og sagði eitt sinn að
þetta væri það verk sitt sem hann væri einna
stoltastur af.
Möguleikarnir eru endalausir
Blaðamaður fór í skoðunarferð um borgina í
fylgd Kim Rusinow hjá leiðsögufyrirtækinu
Destination Detroit Tours. Alloft kom það fyr-
ir í ferðinni að hún sagði: „Sjáiði. Þetta er
nýtt! Þetta var ekki þarna í síðustu viku.“ Þá
var ýmist um að ræða nýjan veitingastað, nýja
verslun eða litskrúðugt vegglistaverk en þau
eru eitt af því sem einkennir uppbyggingu
borgarinnar. Rusinow sagði að uppbyggingin í
borginni væri löngu hætt að koma sér á óvart.
„Möguleikarnir eru endalausir,“ sagði hún.
Ljósmynd/visitdetroit.com
Matarmarkaður Síðan um miðja 19. öld hafa Detroit-búar og aðrir farið á matarmarkaðinn Eastern Market sem einnig er afar vinsæll viðkomu-
staður ferðamanna. Í nágrenni markaðarins hafa sprottið upp gallerí og handverksverslanir og litskrúðug veggjamálverk einkenna svæðið.
Sögufrægur strætó Það var í þessum vagni sem Rosa Parks neitaði að víkja úr sæti fyrir
hvítum farþega árið 1955. Vagninn er á Uppfinninga- og nýsköpunarsafni Henrys Fords.
Listaverk Freskur mexíkóska listmálarans Diegos Rivera í listasafni Detroit-borgar sýna verkamenn í
Ford-bifreiðaverksmiðjunum að störfum. Sjálfur sagði hann þetta vera eitt af sínum bestu verkum.
26 FRÉTTIRErlent
MORGUNBLAÐIÐ FIMMTUDAGUR 3. MAÍ 2018
Eyjasandi 2, 850 Hella - Víkurhvarfi 6, 203 Kópavogi, sími 488 9000 - samverk.is
ÞEKKING - GÆÐI - ÞJÓNUSTA
SÉRSMÍÐUM ÚR GLERI
• Glerhandrið
• Glerhurðir
• Speglar
• Glerveggir
• Málað gler
• Tvöfalt gler
• Sturtuklefar
Stevie Wonder, Diana Ross, Mich-
ael Jackson og Jackson 5, Smokey
Robinson, Lionel Richie og Marvin
Gaye. Allt þetta listafólk og fjöl-
margir aðrir gáfu tónlist sína út
undir merkjum Motown-útgáfu-
fyrirtækisins í Detroit.
Oft er sagt að ekkert útgáfu-
fyrirtæki í sögunni hafi haft jafn-
mikil áhrif á tónlist og tíðaranda
og Motown, sem Berry Gordy
stofnaði árið 1959. Meirihluti tón-
listarmannanna sem voru á samn-
ingi hjá fyrirtækinu var svartur og
þetta var í fyrsta skipti sem tónlist
sem gefin var út og flutt af svört-
um Bandaríkjamönnum náði al-
mannahylli. Höfuðstöðvarnar voru
lengi vel í íbúðarhúsi við West
Grand Boulevard sem kallað var
Hitsville USA, eða „Smellabærinn
Bandaríkjunum“ og eftir því sem
starfseminni óx fiskur um hrygg
keypti Gordy fleiri hús við götuna.
Nú er þarna safn sem gaman er
að skoða og þar eru m.a. gömul
plötuumslög úr sögu Motown,
fatnaður tónlistarfólks, fullbúið
hljóðver frá 6. áratugnum og
margt annað forvitnilegt.
„Smellabærinn Bandaríkjunum“
er þess virði að heimsækja
MICHAEL JACKSON, DIANA ROSS OG MARGIR FLEIRI
Motown Þetta heimsfræga útgáfufyrirtæki stofnaði Berry Gordy árið 1959 og
gjarnan er sagt að það hafi haft geysimikil áhrif á bæði tónlist og tíðaranda.