Saga - 2009, Síða 6

þeim lið. krafan um almenna þátttöku sagnfræðingsins í samtímaumræðu
getur á hinn bóginn dregið úr trúverðugleika fagsins, einkum þegar hún
birtist í langsóttum túlkunum og tengingum við það sem er í brennidepli
hverju sinni, hvort sem það heitir útrás, hrun eða kreppa. Sú tilhneiging
vekur aðeins grunsemdir um litla tiltrú á viðfangsefni fræðanna og er reynd -
ar óþarfa þjónkun við markaðshugsun, því raunveruleg og sönn áhrif sam-
tímans á rannsóknir okkar koma oftast fram með óbeinum hætti og — ef
allt er með felldu — að nokkrum tíma liðnum. Auk þess má benda á að þótt
margir hafi áhuga á sögu sem samtímaspegli finnst öðrum það ósköp góð
tilfinning að samtíminn sé þar fjarri.
Að þeim orðum sögðum kynni ég til sögunnar fyrstu grein tímaritsins
en hún fjallar um kreppur á Íslandi! Greinin er eftir Guðmund Jónsson og
þótt einhver vildi væna hagsögufræðing sem skrifar um kreppur um að
þröngva atburðum síðustu mánaða upp á viðfangsefni sitt þá væri sú til-
raun til lítils því athugun þessi hófst nokkru áður en ósköpin haustið 2008
riðu yfir. Aðrar greinar Sögu eru á sviði miðaldasögu og fyrri alda. Gunnar
karlsson fjallar um og gerir tilraun með nýtt sagnfræðilegt hugtak sem
hann kallar tilfinningarétt. Aðalheiður Guðmundsdóttir fjallar um dans -
kvæði sem heimildir um danssamkomur fyrri alda. Hjalti Hugason skrifar
um deilur þeirra kolbeins Tumasonar og Guðmundur Arasonar biskups og
skoðar þær í kirkjupólitísku ljósi. ein viðhorfsgrein er í Sögu að þessu sinni
og er það svar Jóns Ólafssonar við harðri gagnrýni Þórs Whitehead á rann-
sóknir hans á samskiptum íslenskra kommúnista við komintern í aðdrag-
anda stofnunar Sameiningarflokks alþýðu — Sósíalistaflokksins árið 1938.
Viðtal Sögu er við Jóhann Pál Árnason, prófessor í sögulegum félags-
vísindum, einn kunnasta núlifandi félags- og hugvísindamann Íslendinga.
Jóhann Páll hefur gegnt prófessorsstöðum víða um heim en hóf fræði -
mannsferil sinn undir handleiðslu Jürgens Habermas við lok sjöunda ára-
tugarins. Rit fregnir og ritdómar birtast í Sögu að vanda, þar af tveir ítar-
dómar. Halldór Bjarnason skrifar um bók Sigurðar Gylfa Magnússonar,
Sögustríð, en Páll Björnsson skrifar um umdeilda bók Guðjóns Friðriks -
sonar, Sögu­af­forseta. Þá er þess að geta að í Sögu­birtast nú andmæli Gunn -
ars karlssonar og Rósu Magnúsdóttur við doktorsvörn Ragnheiðar kristj -
áns dóttir 6. febrúar 2009.
Að lokum vill nýr ritstjóri Sögu þakka ritnefnd tímaritsins samstarfið,
svo og fyrrum ritstjórum veitta aðstoð. Þýðendur, prófarkalesari og um -
brots maður fá þakkir fyrir þolinmæði í samskiptum við nýjan starfsmann.
Sigrún­Pálsdóttir
6 formáli ritstjóra
Saga vor 2009 UMBROT NOTA-1:Saga haust 2004 - NOTA 5.5.2009 15:51 Page 6