Saga - 2009, Qupperneq 12

flegnum kjól og ber höfuðið hátt. Hún er með gullfesti um langan
hálsinn og á henni er kross settur steinum og perlum. Litasam -
setning, myndbygging og áferð er nokkuð dæmigerð fyrir þorra
danskra mannamynda frá þessum tíma og í raun er það umgjörðin,
ramminn, sem segir okkur mun meira um þetta fólk en myndin
sjálf. Hann er gríðarlega íburðarmikill, allur gagnskorinn úr tré með
gylltum laufskurði. Sitthvorumegin við málverkið eru blámálaðir
þríhyrningar, einskonar virðingartákn. Fyrir miðju bæði ofan og
neðan við málverkið eru blámálaðir skildir með gylltum texta.
Umhverfis skildina eru lárviðarkransar og englar sitthvorumegin
við þá báða. englarnir við efri skjöldinn halda á skjaldarmerkjum
þeirra hjóna, en englarnir við neðri skjöldinn sitja og snerta tákn
um hverfulleika lífsins; annar styður sig við stundaglas og hinn við
hauskúpu. Á efri skildinum eru ritningargreinar úr 19. kafla Jobs -
bókar en á þeim neðri er gerð grein fyrir minningartöflunni og
stendur þar:
Dette­Epitaphium­hafuer­Velædle­oc­Velbyrdige­Her­Laugmand­for
norden­oc­vesten­paa­Island­Herr­Lauritz­Cristians­Gottrup­og­hans
Hustru­ Catarina­ oc­ hans­ Daatter­ ladet­ opsette­ GUD­ til­ Ære­ oc
Kirken­til­Zirat.­Han­er­føed­udi­Nachscau­i­Laaland­anno­1648­oc
døde­ i­ Hans­ Alders­ 75­ Aar.­ Hun­ var­ føed­ udi­ Friederiksborg­ i
Siælland­ oc­ døde­ i­ hendis­Alders­ 65­Aar.­GUD­gifue­ dem­all­ troe
Kristne­en­glædelig­Opstandelse.­Amen.
Það er vissulega umhugsunarvert að á efra skildinum skuli vera
vitnað í Jobsbók, 19. vers, sem hefst á orðum Jobs: Hversu­lengi­ætlið
þér­að­angra­sál­mína­og­mylja­mig­sundur­með­orðum? Það eru að vísu
ekki þessi orð sem vitnað er til á skildinum heldur númer 25.–27.
en á skildinum segir, í íslenskri þýðingu:
En­ég­veit­að­lausnari­minn­lifir­og­hann­mun­síðastur­ganga­fram
fyrir­ foldu.­Og­eftir­að­þessi­húð­mín­er­sundurtætt­og­allt­hold­af
mér,­mun­ég­líta­Guð.­Ég­mun­líta­hann­mér­til­góðs;­já,­augu­mín
sjá­hann,­og­það­eigi­sem­andstæðing.
Þó að nöfn listamannanna beggja, þ.e. þess sem málaði myndina og
þess sem skar út þennan glæsilega ramma, séu ókunn stendur
myndin fyrir sínu sem eitthvert glæsilegasta dæmi um barokklist
sem til er hér á landi.
gunnar hannesson og þóra kristjánsdóttir12
Saga vor 2009 UMBROT NOTA-1:Saga haust 2004 - NOTA 5.5.2009 15:51 Page 12