Saga - 2009, Qupperneq 19

Þegar við, 12 konur, boðuðum til fundar um kvennaframboð á
Hótel Borg í árslok 1981 grunaði okkur ekki að við værum að ýta úr
vör hreyfingu sem ætti eftir að hafa mikil áhrif á íslensk stjórnmál
og samfélag næstu árin. Við lögðum ekki af stað uppteknar af sögu-
legri arfleifð okkar heldur vegna þess að við vildum auka áhrif
kvenna og við trúðum því að reynsla og menning þeirra væri van-
metin í íslensku samfélagi. Þegar leið að kosningum vorið 1982
gerði ég mér hins vegar grein fyrir að ég var þátttakandi í hreyfingu
sem myndi breyta gangi sögunnar á Íslandi.
Þegar Reykjavíkurlistinn var stofnaður vorið 1994 og ég tók að
mér forystuhlutverk fyrir þann lista sem borgarstjóraefni hans, var
það mikil ferð út í óvissuna. Listanum, sem var settur saman af fjór-
um flokkum, var ekki spáð langlífi af mörgum stjórnmálaskýrend-
um þess tíma, enda hafði Sjálfstæðisflokknum tekist vel upp við að
koma glundroðastimplinum á þá flokka sem að honum stóðu. Það
var því eins líklegt að þessi vegferð yrði endaslepp og listanum
tækist ekki að binda enda á áratuga stjórn Sjálfstæðisflokksins á
borginni. en það tókst vorið 1994 og sá kosningasigur var endur-
tekinn í tvígang eftir það. Ég held að við öll sem tókum þátt í störf-
um Reykjavíkurlistans höfum áttað okkur á því strax vorið 1994 að
þetta voru söguleg tímamót og einmitt þess vegna hvíldi mikil
ábyrgð á okkur að láta þessa tilraun takast. Í sögulegu samhengi
gæti það skipt máli fyrir vinstriflokkana á Íslandi að eiga frásögn af
vel heppnuðu samstarfi þessara flokka.
Síðast en ekki síst vil ég nefna nýliðinn atburð, sem ég er stolt af
og vil gjarnan hafa í eftirmælum mínum sem stjórnmálamanns, en
það eru áhrif mín á skipan fyrstu konunnar á Íslandi í embætti for-
sætisráðherra. Ég tók ákvörðunina um að tilnefna Jóhönnu Sig urð ar -
dóttur sem forsætisráðherraefni Samfylkingarinnar nú í janúar
vegna þess að ég taldi það best fyrir stjórnvöld og samfélag við þær
aðstæður sem þá voru uppi. Þegar sú ákvörðun varð svo að veru-
leika varð mér ljóst að ég hafði átt ríkan þátt í sögulegum atburði.
Niðurstaðan af þessum vangaveltum er sú að ég hef a.m.k. í þrí-
gang átt þátt í atburðum sem marka söguleg tímamót án þess þó að
sú staðreynd hafi haft áhrif á þátttöku mína í upphafi. Því er svo við
að bæta að ég er reyndar þeirrar skoðunar að þeir sem eru of upp-
teknir af því að skipuleggja líf sitt og sína sögulegu arfleifð missi
oftar en ekki af lífinu og tækifærunum til að móta söguna á meðan
þeir skipuleggja. Hér á því við hið fornkveðna: Carpe diem.
sjálfsköpun sögulegrar arfleifðar 19
Saga vor 2009 UMBROT NOTA-1:Saga haust 2004 - NOTA 5.5.2009 15:51 Page 19