Saga - 2009, Síða 20

Jón Baldvin Hannibalsson, alþingismaður 1982–1998 (Alþfl.). Fjár -
mála ráðherra 1987–1988 og utanríkisráðherra 1988–1995
Var meðvitund um væntanleg eftirmæli ráðandi um meiri háttar
ákvarðanir á mínum pólitíska ferli? Það er beðið um dæmi. Beitti ég
mér fyrir skattkerfisbyltingunni 1987–1988, stuðningi við sjálf stæðis -
baráttu eystrasaltsþjóða 1988–1991 eða samningnum um evrópska
efnahagssvæðið (eeS) 1989–1993 til þess að halda nafni mínu á loft
„í sögunni“?
Ég held að ærlegt svar við spurningunni sé nei. Ég gerði það
sem ég gerði af því að ég hafði fyrir því djúpa sannfæringu að ég
væri að gera rétt. Hins vegar neita ég því ekki að sú staðreynd að
Jón Baldvinsson, forseti ASÍ og formaður Alþýðuflokksins í meira
en tvo áratugi, vitjaði nafns hjá móður minni, vakti í undirvitund-
inni og græddi með mér þá grillu að mér væri ætlað „sögulegt hlut-
verk“: að verða formaður Alþýðuflokksins og málsvari jafnaðar-
stefnunnar á Íslandi. Um það efaðist ég aldrei.
Þessi pólitíska grundvallarsannfæring gerði mig að aðdáanda
hins norræna farsældarríkis og að alþjóðasinna og evrópusinna í
senn. Þess vegna gerði ég það sem ég gerði. Það er svo „sögunnar“
að dæma um hvernig til tókst. Ég fæ engu um það breytt, enda verð
ég þá löngu dauður.
Jón Magnússon, alþingismaður frá 2007 (Frjálsl., Ufl., Sjálfstfl.)
Það skiptir miklu að taka réttar ákvarðanir í núinu út frá því viti
sem Guð gaf og vera heiðarlegur við sjálfan sig. Skoða þarf þau
viðfangsefni sem eru til úrlausnar hverju sinni og kynna sér þau út
í hörgul og taka síðan ákvarðanir. Það sem hefur komið mér mest á
óvart í starfi þingmanns er það að iðulega skortir tíma til að fara
nægjanlega vel í gegnum mál. Mörg mál koma til skoðunar og úr -
lausnar á sama tíma. Þá er mikilvægt að hafa undirstöðuþekkingu
á viðfangsefnunum og taka sér þann viðbótartíma sem þarf til að
skoða málin vel. Þá hvarflar hugurinn ekki að því hver söguleg arf-
leifð ákvarðanatöku kunni að verða. Viðfangsefnið er að vinna
málið hverju sinni eins vel og kostur er.
Hvað sjálfan mig varðar þá leiði ég ekki hugann að sögulegri
arfleifð að öðru leyti en því að ég vona að þegar rýnendur fram -
tíðarinnar skoða stjórnmálasögu samtímans fái ég þá einkunn að
hafa verið samkvæmur sjálfum mér og tekið ákvarðanir sem voru
sigrún pálsdóttir20
Saga vor 2009 UMBROT NOTA-1:Saga haust 2004 - NOTA 5.5.2009 15:51 Page 20