Saga - 2009, Qupperneq 37

Reyndar er fyrsti hluti hennar að nokkru skrifaður skólaárið 1979/
80 en þá dvaldist ég í rannsóknarleyfi í Starnberg í Þýskalandi.
Bókin kom svo ekki út fyrr en 1987.
Þetta var síðasta bókin sem ég skrifaði á þýsku, en það var
nokkuð lengi eftir að ég fluttist til Ástralíu að mér veittist léttara að
skrifa á þýsku en ensku. Í henni finnst mér ég vera kominn á sömu
bylgjulengd og ég hafði byrjað á í Prag — það þýddi líka töluvert
afturhvarf til fyrirbærafræði og túlkunarfræði.
—­Er­hægt­að­finna­þessum­viðfangsefnum­stað­seinna­í­verkum­þínum?
Jú, ég held það. Reyndar kemur fyrsta bókin sem ég skrifa á ensku
ekki út fyrr en 1993 en ég hafði þó birt töluvert af greinum í tíma-
ritum á ensku, einkum í Thesis­Eleven, en þar var ég meðritstjóri um
tíma, eða frá 1987 til 2003. Í þessum skrifum er ég fyrst og fremst að
fást við sögulega félagsfræði (e. historical­sociology) sem nú orðið er
viðurkennd sem sjálfstæð grein félagsfræðinnar. Hjá mér er hún
með nokkuð sterku heimspekilegu ívafi og kemur hvað sterkast
fram í því verki sem mér finnst mestu skipta af því sem ég hef
skrifað á ensku en það er bókin Civiliza­tions­in­Dispute sem kom út
árið 2003.
—­Eins­og­þú­segir­þá­veittist­þér­ekki­auðvelt­að­skipta­úr­þýsku­yfir­í
ensku­ í­ fræðilegum­skrifum­þínum.­Hvað­kom­til­að­þú­þáðir­ stöðuna­ í
Ástr­alíu?
Ég var í þrjú ár það sem kallað er Lehrstuhlvertreter í Heidelberg og
það getur verið varhugavert að ílengjast í stöðu prófessors án fullra
réttinda þótt góð sé. Sumarmisserið 1975 var ég svo gestaprófessor
í Bielefeld en þar var líklega besta félagsvísindadeild Þýskalands á
þeim tíma, með menn eins og Niklas Luhmann og Claus offe í
sínum röðum. Sagnfræðin var reyndar líka öflug þarna og sérstak-
ur skóli í greininni var síðan kenndur við Bielefeld. Þekktustu
fulltrúar hans eru líklega Hans-Ulrich Wehler og Jürgen kocka. Ég
var þó ekki nógu lengi í Bielefeld til að kynnast almennilega því
sem þar var í gangi. Sumarið 1975 var ég orðinn uggandi um að ég
fengi fasta prófessorsstöðu við þýskan háskóla og ekki útlit fyrir að
ég færi aftur til Íslands. Þegar boð barst frá La Trobe-háskólanum í
Melbourne ákvað ég að taka því og við fluttum til Ástralíu í lok árs
1975.
fjölfeldni nútímans … 37
Saga vor 2009 UMBROT NOTA-1:Saga haust 2004 - NOTA 5.5.2009 15:51 Page 37