Saga - 2009, Qupperneq 173

fræðimanni eða rithöfundi viðtal eða sé hann einfaldlega látinn,
lætur maður þá rödd viðkomandi hljóma lægra eða minna en þeirra
sem viðræðudrýgstir reyndust eða sleppir þeim jafnvel alveg? Varla
getur það verið eðlilegt. Mestu máli skiptir þó að höfundur lætur les-
endur sína vita af því að hann hafi reynt að afla fleiri heimilda.
Vissulega má þó fræðast um Davíð oddsson í þessari bók, því
að Guðjón lætur hann talsvert koma við sögu og ræðir um þann
valdavef sem varð til í kringum hann á forsætisráðherraárum hans.
Sá vefur er efni sem fræðimenn eiga eftir að rannsaka á næstu árum
og áratugum. Guðjón virðist ekki vera í nokkrum vafa um hver
niður staðan af slíkum rannsóknum verði og fer ekki í grafgötur
með afstöðu sína til Davíðs. „Hinn valdamikli og ráðríki for -
sætisráð herra …“ segir hann á einum stað (bls. 75). og í hnotskurn
lýsir hann kerfi hans svo: „Hugsun Davíðs um vald byggist á
hlýðni“ (bls. 315). Guðjón telur einnig að Davíð hafi átt ýmislegt
sameiginlegt með stjórnmálamanni sem hann þekkir vel, Jónasi frá
Hriflu. Guðjón talar síðan um paradísarmissi Davíðs oddssonar
sem eigi að hafa birst í því að sjálfstæðismenn misstu tangarhald
sitt á fjöl miðlum og helstu fyrirtækjum landsins.19
Guðjón kryddar frásögnina með grátbroslegum sögum af sam-
skiptum Davíðs og Ólafs Ragnars. Til að mynda segir hann frá því
að þegar forsetinn fór í opinbera heimsókn til kanada sumarið 2000
hafi Davíð oddsson, forsætisráðherra og einn af handhöfum for-
setavalds, neitað að fylgja honum út á flugvöll vegna þess að hann
hafi ekki verið í skapi til þess (bls. 215).20 kostuleg er einnig lýsing
Guðjóns á sextugsafmæli Alfreðs Þorsteinssonar í Perlunni um
miðjan febrúar 2004: „Davíð oddsson hafði boðað komu sína í
afmælið og gefið vilyrði um að taka til máls. Menn tóku eftir því að
bíll forsætisráðherra kom upp að anddyri Perlunnar en þar var
fyrir forsetabíllinn. Í stað þess að stöðvast jók forsætisráðherrabíll-
inn þá hraðann og ók í burtu. Davíð kom aldrei í afmælið“ (bls.
308).21 Þá minnir Guðjón okkur á að sem forsætisráðherra — á
launum hjá almenningi — tók Davíð oddsson sér þann rétt að
sniðganga suma fjölmiðla (bls. 328).
Bókin er einnig mikilvæg heimild um viðhorf Ólafs Ragnars til
Davíðs oddssonar. Ólafur segir til dæmis í samtali við Guðjón að
bjartsýnisbók í beinni 173
19 Viðtal Guðjóns við Halldór Ásgrímsson er upplýsandi um samband Halldórs
við Davíð (sjá bls. 300, 302, 322, 331–334, 340 og 353–354).
20 Hér er engrar heimildar getið.
21 Hér er engrar heimildar getið; kannski var Guðjón vitni að þessu sjálfur.
Saga vor 2009 UMBROT NOTA-1:Saga haust 2004 - NOTA 5.5.2009 15:52 Page 173