Saga - 2009, Page 188

Saga XLVII:1 (2009), bls. 188–199.
halldór bjarnason
Um Sögustríð Sigurðar Gylfa
Magnússonar*
Hvað sem öllu líður vil ég biðja menn
að fara varlega með orð
þau geta sprungið
og þó er hitt öllu hættulegra
það getur vöknað í púðrinu
Sigfús Daðason
Bygging­bókarinnar
Síðan um miðjan síðasta áratug 20. aldar hefur Sigurður Gylfi
Magnússon verið fyrirferðarmikill á vettvangi íslenskrar sagnfræði
eins og mörgum er kunnugt. er það vegna mikillar eljusemi við rit-
störf, heimildaútgáfu og kennslu, auk umfangsmikilla félagsmála-
starfa í þágu Sagnfræðingafélags Íslands og Reykjavíkur Akademí -
unnar. Í þeirri bók sem hér verður gerð að umtalsefni er að finna
yfirlit frá hendi höfundar um fræðimannsferil sinn og nokkrar af
birtum greinum hans um stöðu og einkenni íslenskrar sagnfræði -
iðkunar í samtímanum og ástundun félagssögu erlendis. Í tilefni
bókarinnar hefur hann síðan bætt við nokkrum nýjum greinum í
lok bókar (í köflum VII–IX) og alllöngum inngangskafla (kafla I).
Formið á bókinni er óvenjulegt að flestu leyti. Höfundur tengir
greinar sínar saman með eins konar aðfaraorðum sem koma á
undan hverri grein, en röð þeirra fer eftir útgáfutíma. Aðfaraorðin
eru til að setja greinarnar í samhengi innbyrðis og skýra framvind-
una í fræðistörfum höfundar. Annars hefst bókin á inngangskaflan-
um, sem er ágrip af fræðiferli höfundar fram til þess að fyrsta grein-
in í bókinni birtist árið 2000. Aftast í hverjum kafla birtir höfundur
síðan sem innskot ljósmyndir af utangarðsmönnum 19. aldar, þeim
sem einna minnst máttu sín, og leggur út af myndunum á skáld-
legan hátt.1 Innskotin kallast lítið á við efni bókarinnar, eða þá mjög
* Sigurður Gylfi Magnússon, Sögustríð.­ Greinar­ og­ frásagnir­ um­ hugmyndafræði.
Miðstöð einsögurannsókna og ReykjavíkurAkademían. Reykjavík 2006. 527
bls. Myndir, nafnaskrá.
1 Þessar myndir og útleggingar höfundar á þeim eru í svipuðum stíl og bók höf-
undar, Snöggir­blettir (Reykjavík 2004).
Saga vor 2009 UMBROT NOTA-1:Saga haust 2004 - NOTA 5.5.2009 15:52 Page 188