Breiðfirðingur - 01.04.1957, Síða 30

Frú Guðrún Ricther
Sumum mönnur er svo farið, að öðrum finnst alltaf leika
um þá sólargeisli og stafa frá þeim ylur. Og þegar þeir
hverfa af sviði lífsins er sem skyggi í huga vina og vanda-
manna og blær lífsins verði aldrei jafn blíður og fyrr. Svo
var um þessa konu.
Frú Guðrún Ricther var fædd í Stykkishólmi 14. október
1872. Foreldrar hennar voru þau Samúel S. Ricther verzl-
unarstjóri og Soffía Emilía Thorsteinsson. Þau voru bæði
búin miklum mannkostum og héldu uppi einu af hinum
ágætustu menningarheimilum, sem þá voru kunn í Stykkis-
hólmi, og raunar víðar við Breiðafjörð.
Guðrún ólst því upp eins og blóm, sem gróðursett er sunn-
an undir góðum skjólgarði og nýtur jafnan nægrar um-
hyggju. Hún drakk líka þegar á barnsaldri í sig dýrar
lindir menningar og mennta. Foreldrar hennar létu sér
annt um að innræta börnum sínum guðsótta og góða siðu,
kenna þeim fagra háttprýði og efla með þeim göfuglyndi.
Þeim voru líka kenndar ýmsar greinir til munns og handa.
Jafnframt naut Guðrún úrvals bókasafns föður síns og átti
greiðan aðgang að fleiri bókasöfnum. Virtist hún og þegar
á unga aldri hverjum manni vel, og þótti vænleg á allan
hátt. Hún var mjög listhneigð og lærði strax í æsku að
leika á fleiri en eitt hljóðfæri sér og öðrum til ánægju.
Dráttlist iðkaði hún að nokkru án þess að njóta verulegrar