Breiðfirðingur - 01.04.1957, Blaðsíða 35

BREIÐFIRÐINGUR
33
sjávarútveg hafði hann engan. Var þó sóttur sjór af nábúum
hans. Oft ýtti hann samt báti úr vör, en lítt var það til að
auðgast á. Býli hans lá í þjóðbraut á árabátaöldinni. Flutti
hann margan manninn fyrir lítið gjald og veitti næturgreiða.
En hitt er og satt, að honum var það endurgoldið af sumum
með álíka greiðasemi. Um störf hans í Reykjavík, eftir að
hann fluttist þangað, veit ég fátt eitt. Get mér samt til, að
hann hafi rækt þau af samvizkusemi, að minnsta kosti vann
hann þar, meðan fært var, því að hann varð bráðkvaddur,
er hann var að ljúka dagsverki sínu.
Sumir töldu hann hvikulan í landsmálum. Ekki vil ég þar
undir skrifa. Hann var alltof skynsamur til að samþykkja
allt, sem óbilgjarnir stjórnmálaforingjar sögðu réttast vera.
Dró sig þá í hlé, en hélt sinni skoðun. Hingað og ekki lengra,
var lians úrræði.
Einum góðum vini mínum verður færra, er ég kem næst
til Reykjavíkur.
Eggert Eggertsson var fæddur í Fremri-Langey á Breiða-
firði 26. sept. 1879. — Foreldrar hans voru Eggert Þor-
bergur Gíslason Gunnarssonar, formanns og aflamanns á
Kvíabryggju í Grundarfirði og kona hans, Þuríður Jónsdótt-
ir Bjarnasonar úr Höskuldsey. Voru þeir feðgar báðir hafn-
sögumenn. Eru þetta allt kunnar, breiðfirzkar ættir. Eggert
brautskráðisf frá Flensborgarskóla vorið 1897. Hann stund-
aði um tíma barnakennslu á Skarðsströnd og í Hvamms-
sveit. Arið 1903 kvæntist hann Kristínu Guðmundsdóttur,
húnvetnskri að ætt, er einnig stundaði kennslu á sömu slóð-
um og hófu þau búskap í sambýli við foreldra Eggerts, í
Fremri-Langey, sama ár. Til Bíldseyjar fluttust þau 1907
og bjuggu þar til 1928. Árið 1934 fluttust þau til Reykja-
víkur, og gerðist Eggert þingvottur og stefnuvottur og hélt
þeim starfa til æviloka.