Breiðfirðingur - 01.04.1957, Page 52

50
BREIBFIRÐINGUR
og sagði: „Þarna ertu þá, Móri minn. Ættum við ekki að
halda heim?“
Lengi skemmtu þeir félagar, Muður og Kláus, sér yfir því,
hvað uppfinning þeirra hefði tekizt vel.
Jónas frá Öxney.
ÁRAMÓT
Gamlárskvöld er gott að eiga,
gleðjast vilja þreyttir menn.
Kærleik þrá — í krafti veiga.
Kana-verkið lifir enn.
Nú er brugguð nýrri blanda,
neikvæð vorum innri frið.
Fyllast kerin flónsku-anda,
flýja heilbrigð sjónarmið.
Dauðinn sínu daðri kyndir,
dofnar sjón og málið fer.
Nálgast munu nýjar syndir,
næstum hvar sem skálað er.
Bikar vorra beizku dreggja —
banaráð frá sjúkri önd.
Virðast fáir vilja leggja
viti sínu líknar-hönd.
Kristín Sigfúsdóttir
frá Syðri-Völlum.