Skírnir - 01.09.2012, Page 232

492
BJÖRN ÞORLÁKSSON
SKÍRNIR
og útskýrði hvernig Islendingar gátu breyst á augabragði úr
bændum og sjómönnum í alþjóðlega bankamenn. Herkvaðningin
sem forsetinn talaði fyrir, meðvitað eða ómeðvitað, hefði átt að
vekja spurningar hjá þjóð sem aldrei hefur ráðið yfir her en það er
alltaf sama sagan: „We are succeeding because we are different" —
„Okkur tekst vel upp vegna þess að við erum öðruvísi," sagði
Ólafur Ragnar Grímsson. Öðruvísi vegna dugnaðarins. „Þegar
Kaupþing yfirbauð hina keppinautana í samkeppni um Danska
bankann FIH sneru enskir fulltrúar vonsviknir til Lundúna og til-
kynntu yfirmanninum að íslendingarnir hefðu unnið vegna þess að
þegar við förum heim eru þeir enn að vinna“ (Ólafur Ragnar Gríms-
son 2005).
Forseti íslands sagði í sömu ræðu að íslendingar væru áhættu-
sæknir, hugaðir og árásargjarnir, líkt og það væru jákvæðir eigin-
leikar. „Sérhver íslenskur athafnamaður veit að sigur eða tap mun
ekki aðeins velta á hans eigin orðstír heldur einnig orðstír þjóðar-
innar. Þess vegna sjá athafnamennirnir sjálfa sig ekki bara sem full-
trúa stoltrar þjóðar heldur vita þeir að framgangur þeirra mun
marka orðspor landsins um áratugabil eða jafnvel öldum saman“
(Ólafur Ragnar Grímsson 2005). Frægust eru þó lokaorðin í Lund-
únaræðu Ólafs Ragnars Grímssonar: „You ain’t seen nothing yet.“
Það er þetta með stoltið, umbrotin, aðlögunina og hjarðhyggj-
una. Kannski erum við öll í einhverri mynd öldungar á Tröllaskaga,
en munurinn á bankadrengjunum og drengjunum sem börðust í
Ketilási á sínum tíma fólst ekki bara í því að annar hópurinn gekk í
Boss-fötum en hinn í lörfum. Munurinn gæti einnig verið sá að á
Tröllaskaga eru vísbendingar um að hrepparígur hafi hjálpað íbú-
unum til að lifa af. Um útrásarpiltana verður aftur á móti seint sagt
að þeir hafi reynst þjóðarskútunni mikill búhnykkur.
Heimildir
Arnar Árnason. 2011. Hver var A.R. Radcliffe- Brownf Sótt 26. mars 2012 á
http://visindavefur.hi.is/svar.php?id=3163
Árni Johnsen. 1996. Utandagskrárumræða. Alþingistíðindi B-deild. Sótt 26. nóvem-
ber 2011 á www.althingi.is/altext/121 /11 /r07135334.sgml
„Ástandinu verður að linna.“ 1994. Morgunblaðið, 21. september.