Tímarit Máls og menningar - 01.02.2004, Blaðsíða 5

á handriti Halldórs Laxness að drögum að kvikmynd um lífið í íslensku
fiskiþorpi. Þar er kominn fyrsti vísir að Sölku Völku, skáldsögunni sem
enn er meðal vinsælustu sagna skáldsins. Umþöllun um bjartsýnisljóð
Sigfusar Daðasonar, fyrrum ritstjóra TMM, tengir þetta hefti við fyrri
tíma. Greinar eru um nýjar bækur, viðtal, smásaga og ljóð auk umfjöll-
unar um myndlist, tónlist og leiklist.
Góða skemmtun,
Silja Aðalsteinsdóttir
Til lesenda.
Nú þegar við á ný tökum við útgáfu Tímarits Máls og menningar er ekki
úr vegi að gera þeim lesendum sem áhuga hafa stutta grein fyrir þeim
breytingum sem orðið hafa á högum Máls og menningar.
Með samningi milli Máls og menningar og Vöku-Helgafells sem gilti
frá 1. janúar 2000 voru forlögin sameinuð undir einni stjórn í félaginu
Edda - miðlun og útgáfa ehf. Sameiningin var gerð með þeim hætti að
félögin komu inn að jöfnu, en þær umfram eignir sem voru til staðar hjá
Máli og menningu voru teknar út úr sameiningunni og urðu eftir hjá
Máli og menningu-Heimskringlu. Því miður gekk rekstur sameinaðs út-
gáfufyrirtækis illa og þurfti M&M-H að auka hlutafé sitt þrisvar til að
koma í veg fyrir að félagið færi í þrot. Við það minnkuðu að sjálfsögðu
þær eignir Máls og menningar sem ekki fýlgdu með í sameiningunni
umtalsvert. Hluti af sameiningunni voru einnig útgáfunöfn beggja félag-
anna og eru þau nú eign Eddu útgáfu ehf.
Þá fylgdi í sameiningunni til Eddu rekstur Bókabúða Máls og menn-
ingar ásamt firmanafni. Þær voru síðar seldar til Pennans hf. sem rekur
þær nú. Húsið að Laugavegi 18, þar sem Bókabúð Máls og menningar er
til húsa, er hins vegar áfram í eigu Máls og menningar- Heimskringlu
ehf. eins og verið hefur um nokkurt skeið. Að auki á Mál og menning-
Heimskringla ehf. 32% í Eddu útgáfu ehf.
Eini rekstur Máls og menningar-Heimskringlu ehf. nú er þetta tímarit
auk þess sem það að sjálfsögðu rekur fasteign sína að Laugavegi 18.
Þröstur Ólafsson, stjórnarformaður
Máls og menningar-Heimskringlu ehf
TMM 2004 • 1
3