Tímarit Máls og menningar - 01.02.2004, Page 25
Ekki skrifstofumaður í listinni
Stefán Jónsson leikari og leikstjóri segirfrá
Stefán Jónsson leikari og leikstjóri hlaut Grímuna, íslensku leiklistar-
verðlaunin, í fyrsta skipti sem þau voru veitt síðastliðið vor, íyrir le'ik-
stjórn sína á Kvetch eftir breska leikskáldið og leikstjórann Steven Berkoff
hjá leikhópnum Á senunni. Sýningin hafði áður verið tilnefnd til Menn-
ingarverðlauna DV í leiklist. Þetta var fyrsta uppsetning Stefáns á heils
kvölds sýningu í atvinnuleikhúsi en áður hafði hann sett upp Björninn
eftir Anton Tsjekhov á hádegissýningu í Iðnó og unnið nokkrum sinnum
með áhugaleikurum.
Kvetch varð geysilega vinsæl sýning enda bæði frumleg og ögrandi.
Hún hóf feril sinn í Vesturporti, litla sviðinu í gamla húsinu við Vestur-
götuna sem samnefndur leikhópur innréttaði fyrir sig, en fluttist svo á
Nýja svið Borgarleikhússins þar sem hún gekk lengi, jafnvel eftir að skipt
hafði verið um leikara í nokkrum meginhlutverkum.
Næst setti Stefán upp ljóðleikinn Herjólfur er hættur að elska eftir Sig-
trygg Magnason í leiksmiðju Þjóðleikhússins í maí 2003, óvenjulega,
áleitna og um margt áhrifaríka sýningu. f haust sem leið var hann svo
valinn til að stýra sýningum vetrarins á Nýja sviði Borgarleikhússins og
frumsýndi þar Sporvagninn Girnd eftir Tennessee Williams um jólin. Sú
uppsetning kom á óvart fyrir nýstárlega túlkun á verkinu og þann
óhemjukraft sem lýsir úr hverju atriði.
Ákvað lífsstarfið þriggja ára
Stefán er fæddur í Reykjavík 23. ágúst f964, sonarsonur Haralds Björns-
sonar, eins þekktasta og dáðasta leikara sinnar kynslóðar. Hafa margir
leikhúsáhugamenn af eldri kynslóð andvarpað af gleði þegar þeir hafa
horft á Stefán á sviði og hvíslað með sjálfum sér: „Mikið er hann líkur afa
sínum!“
Hvenær datt þér í hug að verða leikari sjálfur?
TMM 2004 • 1
23