Tímarit Máls og menningar - 01.02.2004, Page 36

Stefán Jónsson
Rambó 7 sem verður kannski sett upp í Þjóðleikhúsinu í vetur, Drauga-
lest sem varð til í leiksmiðju í Borgarleikhúsinu ásamt verkum eftir Braga
Ólafsson og Þorvald Þorsteinsson sem líka verða sett upp í vetur, og Brim
sem Vesturport er að æfa núna. Svo var Rambó 7 valið inn á leikskálda-
prógrammið í Royal Court leikhúsinu í London sem er ansi flott, þeir
hrifust mjög af honum þar. Sama verk verður á miklu prógrammi þar
sem verk tíu ungra evrópskra leikskálda verða leiklesin af fínum leikur-
um undir stjórn þekkts ensks leikstjóra. Prógrammið verður fyrst sett
upp á Englandi en mun síðan ferðast víðsvegar um Evrópu.
Mér finnst þessi kraftmikla byrjun satt að segja lofa mjög góðu hjá
Jóni Atla því það er mikils virði að halda vel áfram, láta ekki líða of langt
á milli verka. Mér fmnst ég skynja þunga undiröldu af nýju hæfileikafólki
í leikhúsinu, og þá er ég ekki aðeins að hugsa um leikskáld heldur líka
leikara og leikstjóra. Vonandi er þetta ekki blekking.“
Okkur Stefáni fannst gott að enda á þessari góðu tilfinningu um fram-
tíðina, og honum fylgja allar góðar óskir út í vetrarmyrkrið.
Silja Aðalsteinsdóttir
34
TMM 2004 • 1