Fréttablaðið - 19.03.2016, Síða 48

Heiðar Halldórsson, forstöðumað­
ur Húsavíkurstofu, og starfsfélag­
ar hans ætla að bjóða í fyrsta skipti
upp á skemmtilegar gönguferð­
ir fyrir ferðamenn um Húsavík.
„Húsavíkurstofa hefur meðal ann­
ars með upplýsingastofu bæjarins
að gera og er þetta hugsað sem við­
bót við starfsemi hennar, hún verð­
ur tekin út fyrir hússins dyr. Svona
formlegar gönguferðir hafa ekki
verið áður í gangi hér á Húsavík.
Ef vel er skoðað er hér mikil saga
sem er ósögð að því leyti að ekki er
hægt að gúgla hana. Hér er mikið
um venjur og staðreyndir sem gætu
komið spánskt fyrir sjónir ferða­
manna. Við sjáum þetta því fyrir
okkur sem heppilegt innlegg í af­
þreyingarflóru bæjarins sem verð­
ur til þess að ferðamenn fræðist á
nánari hátt um Húsavík og innviði
hennar,“ lýsir Heiðar.
Ganga, náttúra og saga
Göngurnar verða byggðar þannig
upp að sögn Heiðars að þær verða
eins og hefðbundnar skoðunarferð­
ir þar sem farið er á ýmsa staði,
bent á það sem fyrir verður og því
lýst. „Það verður svo til þess að fólk
kannski heimsækir þá staði seinna.
Að einhverju leyti verður þetta líka
náttúruskoðun og svo söguferð.
Söguferð að því leyti að komið verð­
ur við á nokkrum stöðum í bænum
og saga bæjarins vafin inn í það
sem fyrir ber.“
Heiðar og starfsfólk upplýsinga­
miðstöðvarinnar leiðir göngurnar
og verður leiðsögnin að öllu jöfnu á
ensku. „Við verðum hins vegar líka
með Ítala, Francesco Perini, í vinnu
hjá okkur þannig að það getur ýmis­
legt verið í boði og nokkuð gefið
að það yrði töluð ítalska ef ítalsk­
ur hópur kæmi. Íslendingar gætu
einnig haft gagn og gaman af þess­
um göngum og því að sjálfsögðu
hægt að taka íslenska hópa líka og
tala þá íslensku.“
Margir að flytja heim
Töluverð uppbygging hefur verið
á Húsavík að undanförnu að sögn
Heiðars og mikið af uppöldum
Húsvíkingum á aldrinum tuttugu
og fimm ára til fertugs flutt aftur
til bæjarins síðastliðið ár. „Sjálf­
ur er ég tiltölulega nýlega snúinn
aftur heim úr námi eftir sex ára
fjarveru. Undanfarið ár hefur fólk
mikið verið að koma aftur heim og
þá einstaklingar sem margir hefðu
haldið að kæmu ekki aftur. Hér
hefur margt byggst upp að undan­
förnu, bæði varðandi ferðaþjónustu
og annað og meira um heilsársstörf
í fleiri greinum en áður. Svo hefur
hnattvæðingin auðvitað áhrif þar
sem hægt er að taka störfin með sér
í mörgum tilfellum. Engu að síður
hefur þessi fjölgun komið okkur hér
heima á óvart og í raun farið fram
úr björtustu vonum,“ segir Heiðar
ánægður í bragði.
Gönguferðir með
sögulegu ívafi
Í gönguferðum fyrir ferðamenn um Húsavíkurbæ sem farnar verða næsta sumar
verða þátttakendum sagðar sögur af Húsavík og Húsvíkingum, ásamt því að
komið verður inn á ýmsa siði og venjur sem einkenna bæjarfélagið.
Ferðamenn verða leiddir um miðbæjarkjarnann og fræddir um helstu staði sem á vegi verða.
Heiðar Halldórsson, forstöðumaður
Húsavíkurstofu, og starfsfélagar hans
ætla að bjóða í fyrsta skipti upp á
skemmtilegar gönguferðir fyrir ferða-
menn um Húsavík.
PÁSKAR
Á GLERÁRTORGI
–af lífi & sál–
Glerártorg verslunarmiðstöð | Akureyri | www.glerartorg.is
tbone.is I Brekkugata 3 I Sími 469 4020
ALVÖRU
KOLAGRILLAÐAR STEIKUR
VIÐ RÁÐHÚSTORGIÐ Á AKUREYRI
Sparisjóður Höfðhverfi nga | Akureyri og Grenivík | Sími 460 9400 | spsh@spsh.is | www.spsh.is
Sparisjóðurinn, persónuleg þjónusta síðan 1879
Hvað getur Sparisjóðurinn gert fyrir þig?
– kynntu þér málið
Verið velkomin
Komdu norður Kynningarblað
19. mars 20168