Fréttablaðið - 19.03.2016, Side 136

„Það er mjög mikil tilhlökkun hjá
okkur, ég myndi nú kannski segja
að það sem einkenndi þessa hljóm­
sveit líklega mest væri spilagleðin.
Það er allavega ein niðurstaða þess­
ara óvæntu endurfunda. Okkur
finnst bara ógeðslega gaman að
spila saman,“ segir Margrét Kristín
Blöndal, líklega betur þekkt sem
Magga Stína, söngkona og fiðluleik­
ari hljómsveitarinnar Risaeðlunnar.
Risaeðlan var stofn­
uð árið 1984 en er nú,
32 árum síðar að koma
saman sérstaklega
fyrir tónlistarhátíðina
Aldrei fór ég suður sem
fram fer um páskana á
Ísafirði. „Hljómsveitin
var stofnuð eitthvað
áður en ég kom inn í
hana og hún spilaði þá
aðallega í anddyrum
skemmtihúsa í Reykja­
vík og það var svona
helsti metnaðurinn
þá. En svo varð sveitin
til í þessari mynd sem
hún spilar í á Aldrei fór
ég suður fyrir þátt sem
hét Annir og appels­
ínur, að mig minnir
og okkur fannst við
svo skemmtileg að við
héldum áfram,“ segir
Magga Stína um upp­
hafið.
Fyrstu útgáfu Risa­
e ð l u n n a r s k i p u ð u
Sigurður Guðmunds­
son gítarleikari, Ívar Ragnarsson,
betur þekktur sem Ívar Bongó
bassaleikari, Margrét Örnólfsdóttir
hljómborðsleikari og Halldóra
Geirharðsdóttir, betur þekkt sem
Dóra Wonder söngkona og saxó­
fónleikari. Þá komu Magga Stína og
trommuleikarinn Valur Gautason
inn í sveitina en Þórarinn Krist­
jánsson tók við trommukjuðunum
af Vali árið 1987.
Í hljómsveitinni sem kemur nú
saman eru þau Sigurður, Ívar, Hall­
dóra, Magga Stína og Þórarinn.
Risaeðlan hefur ekki komið
saman síðan árið 1990 nema í eitt
skipti. „Við komum reyndar saman
í fimmtugsafmæli Árna Matthías­
sonar en hann var mikill stuðn­
ingsmaður hljómsveitarinnar.
En annars höfum við ekki komið
saman síðan árið 1990 held ég,“
bætir Magga Stína við.
Eftir að Risaeðlan gaf úr sína
fyrstu EP plötu sem var samnefnd
hljómsveitinni fékk hún mikla
athygli. „Við vorum í einhverri
svona póstpönkstónlistarhringiðu
þar sem við reyndum að spila gegn
öllum ríkjandi tónlistarstefnum og
aðhylltumst helst fíflagang. Það var
mikið um tónleikahald á þessum
tíma og við tengdumst hljómsveit­
inni Ham miklum vinaböndum
enda þeir á mála hjá sama útgáfu­
fyrirtæki og þessar hljómsveitir
héldu gjarnan tónleika saman og
fóru í tónleikaferðir ásamt hljóm­
sveitinni Bless. Þetta voru hljóm­
sveitir sem voru svona samtímis
Sykurmolunum en þeirra velgengni
út á við smitaði svolítið út frá sér.
Við ferðuðumst töluvert og fórum
til dæmis til Ameríku, þannig að
þetta var mjög skemmtilegur tími,“
útskýrir Magga Stína. EP platan
fékk góðar viðtökur í Bretlandi en
hún var til dæmis valin smáskífa
vikunnar hjá NME tímaritinu.
M e ð l i m i r
sveitarinnar hafa
að undanförnu
verið að hittast
til þess að dusta
rykið af hljóðfær­
unum og rifja upp
gamla takta og
segir Magga Stína
æfingarnar vera
ákaflega skemmti­
legar. „Við höfum
hist reglulega eða
í um klukkutíma á
viku og framheil­
inn hefur sannað
sig, virkilega. Við
vorum mjög ánægð
með okkur fyrst.
Þetta er svolítið
eins og að hjóla.
Þú áttar þig fyrst
á því að þú kannt
ennþá að hjóla en
svo tekur við annað
ferli og það er að
æfa sig fyrir Tour de
France­keppnina,“
segir hún og hlær.
Meðlimirnir hafa verið mis dug­
legir við að halda sér við í að spila á
sín hljóðfæri undanfarin ár. „Hall­
dóra hefur eiginlega ekkert spilað á
saxófóninn og því voru vöðvarnir
í munninum á henni orðnir slakir
en hún hefur auðvitað talað tölu­
vert mikið undanfarin 25 ár. Blást­
ursvöðvarnir eru allir að koma til
hjá henni og hún rúllar þessu upp
eins og öðru. Ég er ekkert að spila á
fiðlu frá degi til dags og það er gott
að viðra sig og vakna aftur til hljóð­
færisins,“ segir Magga Stína létt í
lundu.
Þegar að aðstandendur Aldrei
fór ég suður höfðu samband kom
ekkert annað til greina en að koma
saman og spila. „Það er svo flott fólk
sem stendur að þessari hátíð þann­
ig að við vorum öll strax til í þetta,“
segir Magga Stína glöð í bragði.
Risaeðlan spilar á laugardeg­
inum 26. mars á Aldrei fór ég suður
en hefur sveitin í hyggju að leika
nýtt efni? „Við erum ekki að semja
nýtt efni, við látum gömlu slagar­
ana standa og setjum alla orkuna
í það. Það er það sem stendur fyrir
dyrum, við erum ekkert að leggja
upp á nýjar brautir og erum bara
að rifja upp gamalt ferðalag,“ segir
Magga Stína sem lofar frábærum
tónleikum. gunnarleo@frettabladid.is
Halldóra
Hefur
eiginlega ekkert
spilað á saxófóninn
og því voru vöðv­
arnir í munninum á
Henni orðnir slakir
en Hún Hefur auðvit­
að talað töluvert
mikið undanfarin 25
ár. Blástursvöðv­
arnir eru allir að
koma til Hjá Henni og
Hún rúllar þessu upp
eins og öðru.
Hljómsveitin Risaeðlan æfir af kappi fyrir tónleika sína á Aldrei fór ég suður um páskanna. fRéttAblAðið/eRniR
útgáfur
risaeðlunnar
svolítið eins
og að hjóla
Hljómsveitin Risaeðlan kemur saman eftir
langt hlé á Aldrei fór ég suður um páskana.
Meðlimir sveitarinnar æfa nú af kappi og
rifja upp gömul kynni við hljóðfærin.
Gunnar Leó
Pálsson
gunnarleo@frettabladid.is
THG Arkitektar fyrir hönd Húsasmiðjunnar óska eftir tilboðum í að byggja
nýja timburafgreiðslu og verslun að Kjalarvogi í Reykjavík. Verkið nær til
að gera verslunarhúsin fullfrágengin að utan og tilbúin fyrir innréttingu að
innan.
Stærð húsa þegar þau er fullbyggð eru 5760,4 m2 .
Helstu magntölur eru:
Mót 3500 m2
Steypa 850 m3
Steypustyrktarstál 125 tonn
Utanhússklæðningar 870 m2
Viðsnúið þak 960 m2
Önnur þök 1150 m2
Gluggar 360 m2
Verkinu skal vera lokið eigi síðar en 1. nóvember 2016.
Útboðsgögn verða afhent rafrænt á verkefnavef verksins, lykilorð að
útboðsgögnum veitir Karl Ásgrímur Ágústsson sími 840 1640, karl@thg.is
Tilboð verða opnuð á skrifstofu THG arkitekta, Faxafeni 9, 109 Reykjavík
þriðjudaginn 19. apríl nk. kl. 14.00 að viðstöddum þeim bjóðendum sem þess
óska.
1989 Risaeðlan
1990 fame and fossils
1990 Hope
1996 efta!
1 9 . m a r s 2 0 1 6 L a U G a r D a G U r72 L í f i ð ∙ f r É T T a B L a ð i ð
Lífið