Fréttabréf Öryrkjabandalags Íslands - 01.06.2000, Page 9

Fréttabréf Öryrkjabandalags Íslands - 01.06.2000, Page 9
Ég tel þetta mjög eðlilega þróun sem muni leiða til meira jafnréttis og samræmingar í stjórnun félagslegrar þjónustu. Nú eru of margir aðilar að fást við svipaða hluti. Það er hægt að nýta fjármagnið betur og veita fleirum þjónustu. Margt í framtíðinni á eftir að hafa áhrif til góðs fyrir fatlaða. Margir binda nú vonir við erfðarannsóknir, en þótt erfðafræðin eigi örugglega eftir að finna gen sem orsaka sjúk- dóma og útrýma þeim, þá kemur alltaf eitthvað annað í staðinn. Til dæmis hefur heyrnarlausum fækkað mikið eftir að farið var að bólusetja gegn rauðum hundum. Heyrnarleysi er samt enn til staðar. Slys og sjúk- dómar, t.d. heilahimnubólga geta valdið heyrnarleysi. Fötluðum hefur ekki fækkað, nema síður sé. Nú taka umferðarslysin sinn toll! Það var frjótt og gefandi starf að sjá allar þessar stofnanir rísa og eflast. Gott að geta hætt með þá fullvissu að starfsemin sé á góðum rekspöl.“ Ertu með eftirsjá eftir starfinu? „Nei, ég hugsa ekki þannig. Maður gerir sér fulla grein fyrir því að þessi kafli í lífinu er liðinn. Ég hef kynnst og starfað með mörgu framúrskar- andi fólki og mér líður vel að vita að þetta starf heldur áfram með því ágæta fólki sem tekur við.“ Hvað finnstþér mœtti beturfara? „Vitaskuld er margt sem betur mætti fara og verður ávallt þannig. Of langir biðlistar eru eftir húsnæði og örorkubætur þyrftu almennt að hækka, eins þyrfti að samræma betur þau hlunnindi sem fatlaðir hafa. Mér hefur lengi fundist að flokka þyrfti örorkubætur betur niður. Aðstæður eru mjög ólíkar hjá fötluðum, svo að bætur koma afar mismunandi út. Fatlað fólk í dýru leiguhúsnæði, sem er þar að auki at- vinnulaust - stendur mjög illa að vígi. Það er heldur ekki með þjónustunet í kringum sig, eins og í sambýlunum. Þeir standa líka illa sem þurfa að borga dýr lyf. Fólk á sambýlum í eigu ríkisins hefur ekki þurft að borga leigu þótt það þurfi að borga í sameiginlegan hússjóð. Og á hæfingarstöðvunum þar sem fatlaðir dvelja daglangt þurfa þeir ekki að greiða fæðiskostnað. Stofnkostnaður á hvert rými í sambýlum er nú um 9-10 milljónir. Er það nú ekki komið út í öfgar? Ef þetta er borið saman við aðra fatlaða sem þurfa etv. að borga um 30 þúsund kr. í mánaðarleigu, þá sést hve aðstaðan er ólík. í öðru lagi bætast við tekjur til þeirra sem vinna á vernduðum vinnustað eða á al- mennum vinnumarkaði. Fólk á sambýlum hefur einnig meiri möguleika til að ferðast með starfsfólkinu sem er á launum. Þeir sem eru til dæmis á stofnunum, eins og Sólheimum og Skálatúni, fara gjarnan í ferðalög til útlanda. Þetta eru ákveðin hlunnindi sem ekki allir fatlaðir hafa. Hér vil ég vitna í orð Guðmundar Ragnarssonar, fyrrverandi formanns Þroskahjálpar, í tímariti samtakanna 4. tbl. 1998: Það er ekki endilega víst að jöfn hœkkun allra örorkuhóta sé besta leiðin til að bœta hag öryrkja heldur vœri eðlilegt aö jafnframt fœrí fram rannsókn á kjörunt þeirra tilþess að fá staðfesta vitneskju um hvaða hópar eru verst settir. „Öll þessi atriði þarf að draga fram, kortleggja útgjöld og flokka betur niður. Sjá hvaða útgjöld það eru, sem ör- yrkjar þurfa að standa undir sjálfir. Auðvitað er þetta afar viðkvæmt, en það þarf að samræma þetta betur en nú er gert.“ Margrét veit hvað hún er að segja. Fáir hafa eins fjölþætta þekk- ingu á málefnum fatlaðra og hún sem hefur setið báðum megin við borðið - unnið íýrir ríkið og með félagasam- tökunum til að bæta þjónustuna. Einnig sinnt kennslu í faginu, sem hefur orðið til þess að margir nemend- ur hennar hafa lagt á sig sémám og flutt heim aukna þekkingu sem nýtist fötluðum nú víðsvegar á landinu. Margrét situr nú við að skrifa bók um þróun í málefnum fatlaðra á Is- landi. Slíka samantekt hefur lengi vantað. Örugglega munu margir fagna útgáfu á slíku yfirlits- og fræðiriti. Oddný Sv. Björgvins. Hlerað í hornum Tvær litlar stúlkur voru að tala saman og fóru að bera saman bækur sínar um störf feðranna. Önnur sagði: “Pabbi minn er tannlæknir, en hvað er pabbi þinn?” Hin hugsaði sig um smástund en sagði svo: “Pabbi minn er framsóknarmaður.” Faðir hennar var sem sé erindreki Framsóknar- flokksins svo sú stutta hafði heil- mikið til síns máls. Kona ein kom til kaupmannsins síns og sagði: “Ja, nú vill læknirinn minn setja mig á rosalegan megrunarkúr, engin fita, enginn sykur, ekkert salt”. “Ja, hvað má þá bjóða frúnni?”, spurði kaupmaðurinn. Þá svaraði konan: “Ja, ég er nú fyrst og síðast að hugsa um að fá mér annan lækni.” Gamli kaþólski presturinn var orðinn hundleiður á að heyra framhjáhalds- sögur sóknarbarna sinna í skrifta- stólnum og sagði við messu að hann vildi ekki heyra meira af slíku, fólk gæti þá bara talað um að það hefði “hrasað.” Nú dó sá gamli og unga prestinum blöskraði hve margir hrös- uðu og bar sig upp við bæjarstjórann, sem hló tröllahlátri. Ungi presturinn fyrtist við og sagði: “Þú ættir nú ekki að hlæja svona hátt að þessu, því konan þín er nú búin að hrasa þrisvar síðan ég kom hingað.” Þremenningar gengu inn í veitinga- hús áður á öldinni, tveir ungir og fríðir og einn gamall og skorpinn. Þeir settust beint á móti spegli og varð þeim gamla tíðlitið í spegilinn. Á leiðinni út sagði sá aldraði: “Sáuð þið ljóta karlinn sem sat þarna á móti okkur með tveim ungum mönnum?” Hugmyndir manna um útlit manna eftir stétt þeirra eru oft undarlegar. Formaður sóknarnefndar í sjávar- þorpi var að taka á móti umsækjanda um prestsembætti á staðnum en sá kom með rútu frá Reykjavík. Hann virti vel fyrir sér þá sem út komu, gekk síðan að fölum og vesældar- legum manni og spurði hvort hann væri presturinn. “Ó, nei, ég bara búinn að vera svakalega bílveikur á leiðinni.” FRÉTTABRÉF ÖRYRKJABANDALAGSINS 9

x

Fréttabréf Öryrkjabandalags Íslands

Direct Links

If you want to link to this newspaper/magazine, please use these links:

Link to this newspaper/magazine: Fréttabréf Öryrkjabandalags Íslands
https://timarit.is/publication/1440

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.