Íþróttablaðið - 01.12.1968, Síða 11

Á stofnþinginu voru samþykkt lög fyrir fimleikasam-
bandið, og er það skammstafað FSl.
I stjórn voru kosnir: Valdimar Örnólfsson, Reykjavik,
formaður.
Meðstjórnendur: Jens Guðbjörnsson, Reykjavík, Sig-
urður R. Guðmundsson, Leirárskóla, Þorgerður Gísla-
dóttir, Hafnarfirði, og Grétar Franklínsson, Reykjavík.
Varastjórn: Jón Júlíusson, Reykjavík, Þórir Þor-
geirsson, Laugarvatni, og Helgi Hólm, Keflavík.
Endurskoðendur: Hallur Gunnlaugsson, Akranesi, og
Halldór Ingvarsson, Grindavík.
Fimleikadómstóll: Jón Þorsteinsson, Vignir Andrés-
son og Stefán Kristjánsson.
Miklar umræður urðu um fimleikamál, en í fundar-
lok flutti forseti ÍSl, Gísli Halldórsson, hinu nýja sam-
bandi árnaðaróskir.
Með stofnun Fimleikasambands Islands eru sérsam-
bönd ISl orðin 10 talsins.
VIÐSKIPTIN VIÐ ÚTLÖND.
Viðskiptin við útlönd voru mikil á starfstímanum.
Veitt voru leyfi til margra utanfara Islenzkra íþrótta-
manna og heimsókna erlendra.
Þorvarður Árnason, fundaritari ISl, og Hermann
Guðmundsson, framkvæmdastjóri ISl, fóru á ráðstefnu,
sem Evrópuráð boðaði tii í Strasbourg með íþróttasam-
böndum aðildarríkja sinna 25. og 26. apríl 1968.
Norska íþróttasambandið bauð Gísla Halldórssyni,
forseta ISl, að sitja sem gestur þing þess, sem haldið
var í Osló dagana 24.—26. nóv. 1967. Þáði hann boðið
og heimsótti í sömu ferðinni einnig danska íþrótta-
sambandið.
Höskuldur Goði Karlsson sótti ráðstefnu um æskulýðs-
mál á vegum norrænu íþróttasambandanna, sem haldin
var í Osló dagana 23.—25. maí 1968.
Forseti danska íþróttasambandsins, Gudmund Schack,
kom í boði ISl til landsins 13. júlí 1968 og dvaldist hér
ásamt konu sinni til 16. júlí.
Vegna þessa boðaði framkvæmdastjórnin til fundar
með formönnum sérsambandanna sunnudaginn 14. júli'.
Þar flutti Gudmund Schack erindi um danska íþrótta-
sambandið, starf þess og skipulag. Að erindi loknu
svaraði hann fyrirspurnum.
Þar sem áhugi á júdó hefur farið vaxandi hér á landi,
og vegna óska frá þeim aðilum, er þá iþrótt iðka, hefur
ISl óskað eftir upptöku í Evrópusambandið um júdó-
Union Européenne de Judo.
Þá hefur framkvæmdastjórnin sótt um upptöku í
Lyftingasamband Norðurlanda (Nordiska Tyngdlyftn-
ingsförbundet) og Alþjóða lyftingasambandið (F. I.
H. G.).
NÝ FÉLÖG ISI.
Samkvæmt lögum ISI verða ný íþróttafélög, sem
gerast vilja aðilar að ISl, að sækja um inngöngu I það
héraðssamband, sem starfar á því svæði, þar sem hið
nýja félag hefur aðsetur.
Nokkur ný íþróttafélög hafa nú bætzt við, en áður
hefur þeirra verið getið nema Golfklúbbsins Keilis, sem
er aðili að Iþróttabandalagi Hafnarfjarðar.
Þá hefur Júdófélag Reykjavikur óskað inngöngu í
Iþróttabandalag Reykjavíkur, sem samþykkti á árs-
þingi sínu að fresta inntöku nýrra íþróttafélaga fram
yfir íþróttaþing, samhliða því sem ársþing iBR skor-
aðí á framkvæmdastjórn ISl að endurskoða ákvæði
laga ISl um inntökuskilyrði félaga í ISÍ.
Júdófélag Reykjavikur áfrýjaði umsókn sinni um
upptöku í IBR til framkvæmdastjórnar ÍSÍ.
IÞRÓTTAMIÐSTÖÐIN AÐ LAUGARVATNI.
1 samkomulaginu milli ISl annars vegar og mennta-
málaráðuneytisins vegna Iþróttakennaraskóla Islands
hins vegar er gert ráð fyrir, að um sameiginlega bygg-
ingu heimavistarhúss verði að ræða. Er í þessu sam-
komulagi gert ráð fyrir því, að ISl byggi og eigi efri
hæð hússins, en sú hæð verði síðan leigð Iþróttakenn-
araskólanum yfir skólatímann, en ISl fái allt húsið til
sinna nota yfir sumarmánuðina. Byggingu þessa húss
er nú að ljúka.
1 heimavistarhúsinu verða samtals 15 herbergi, sem
að vetrinum eru áætluð fyrir 2 nemendur hvert, en yfir
sumartímann er ráðgert að hafa 4 í herbergi, þannig að
með því móti gætu 60 manns verið samtímis á vegum
ISl að Laugarvatni.
Auk þess er í þessu heimavistarhúsi aðstaða fyrir
svefnpokapláss, eða til tómstundaiðju, þegar á nám-
skeiðum er dvalið. Þá er einnig eldhús, setustofa og
herbergi fyrir ráðskonu. Þá er ótalin sú íþróttalega
aðstaða, sem fyrir hendi er að Laugarvatni, og er eink-
u.m að nefna vellina. Þar er fullkominn grasvöliur með
hlaupabrautum, .stökkgryfjum og öðrum útbúnaði fyrir
frjálsíþróttir, ennfremur 2 handknattleiksvelllir.
AÐRAR IÞRÓTTAMIÐSTÖÐVAR.
Það hefur verið stefna framkvæmdastjórnarinnar,
mótuð af samþykktum íþróttaþinga, að aðstoða við að
koma upp og viðurkenna íþróttamiðstöðvar sem víðast
á landinu.
Vetraríþróttamiðstöðin á Akureyri:
Tekin var í notkun 2. des. 1967 skíðalyfta sú, sem
unnið hafði verið við að setja upp í Hlíðarfjalli við
Akureyri. Forseti ISl og nokkrir úr framkvæmda-
stjórn fóru norður og voru viðstaddir vígslu skíða-
lyftunnar.
Skíðalyftan á Isafirði:
Þá tóku Isfirðingar í janúar 1968 í notkun skíða-
lyftu þá, sem þar hafði verið í smíðum. Framkvæmda-
stjórn var boðið að vera við þann atburð, en samgöngu-
erfiðleikar hindruðu ferð hennar vestur.
Marka þessir tveir viðburðir tímamót í sögu skíða-
íþrótta hérlendis, og hefur nú verið sköpuð hin ákjós-
anlegasta aðstaða til iðkunar alpagreina í Hliðarfjalli
og á Seljalandsdal.
251