Morgunblaðið - 04.06.2020, Qupperneq 22

22 FRÉTTIRInnlent
MORGUNBLAÐIÐ FIMMTUDAGUR 4. JÚNÍ 2020
Pétur Magnússon
petur@mbl.is
Það tók Helenu Henneberg sex
daga að ferðast frá Reykjavík til
heimilis síns í Kaupmannahöfn til
að ná útskrift dóttur sinnar. Hel-
ena er búsett í Kaupmannahöfn, en
þegar landamærum var lokað
vegna kórónuveirufaraldursins
festist hún á Íslandi í óákveðinn
tíma. Helena er með undirliggjandi
sjúkdóm og treysti sér því ekki til
að fljúga til Danmerkur, en hún
var engu að síður í tímaþröng að
komast heim til að missa ekki af
útskrift dóttur sinnar úr fram-
haldsskóla.
Í lok síðustu viku keyrði Helena
frá Reykjavík til Akureyrar, þar
sem hún gisti eina nótt. Frá Akur-
eyri ók hún til Seyðisfjarðar og
sigldi með Norrænu til Dan-
merkur. Bátsferðin tók heila þrjá
daga, og stoppað var í átta klukku-
tíma í Þórshöfn, en farþegum var
meinað að fara frá borði vegna
smithættu.
„Það var mikill sjógangur á leið-
inni til Þórshafnar og ferjan var
eins og hálfgert draugaskip.“ Um
borð voru rétt um 75 manns, en
Norræna getur tekið tæplega 1.500
farþega undir venjulegum kring-
umstæðum.
Frá Þórshöfn sigldi Helena til
Hirtshals á Norður-Jótlandi og
keyrði þar næst suður til Árósa,
þar sem hún gisti eina nótt, og hélt
svo til Sjálands með ferju.
Lokun landamæra kom á óvart
Þegar Helena komst á áfanga-
stað í Frederiksberg, sem er eitt
þéttbýlasta svæði Danmerkur, brá
henni við. „Mér fannst ég vera
komin í einhverja bíómynd,“ segir
Helena. „Það er búið að opna hell-
ing, en ég skil samt óttann sem
skapaðist þegar landinu var lokað.“
Hún segir Dani hafa verið prakt-
íska í viðbrögðum sínum við far-
aldrinum en lokun landamæranna
hafi komið mörgum á óvart. „Fólki
brá mikið, því það hafði ekki verið
mikil umræða um það.“ Landamær-
um Danmerkur var lokað hinn 14.
mars, aðeins fjórum dögum áður en
Helena átti bókað flug til Kaup-
mannahafnar.
Sama ferð, 55 árum síðar
Það liðu sex dagar frá því að Hel-
ena hóf ferðalag sitt í Reykjavík
þar til hana bar að garði í Kaup-
mannahöfn, en hún segir þessa ferð
taka aðeins fimm klukkutíma undir
venjulegum kringumstæðum.
Helena minnist einnig á að árið
1965, fyrir 55 árum, hélt móðir
hennar sömu leið til Íslands þegar
hún sigldi hingað í fyrsta skipti
með Gullfossi.
Þótt ferðalag Helenu hafi verið
krefjandi segist hún líta á það sem
spennandi ævintýri. Það hafi þó
verið sérstakt að koma í land í Dan-
mörku og sjá hversu mikill munur
var á ástandinu þar og á Íslandi.
„Þetta er fáránlegt ástand,“ segir
Helena. Hún segir ástandið í Dan-
mörku mjög ólíkt því á Íslandi og
Íslendingar séu mjög heppnir að
vera lítil þjóð á stóru landsvæði.
„Ég held að Íslendingar þurfi að-
eins að taka í hnakkadrambið á sér
og vera þakklátir.“
Komst heim
á sjötta degi
 Helena Henneberg þurfti að taka
lengri leiðina til Kaupmannahafnar
Ljósmynd/Helena Henneberg
Millilending Helena mátti ekki fara í land í Þórshöfn í Færeyjum og beið um borð í Norrænu í átta klukkutíma.
Fámennt Aðeins 75 farþegar voru um borð í Norrænu í siglingunni.
Við fararskjótann Helena Henneberg á Seyðisfirði með Norrænu í baksýn.
Vikuferð frá Reykjavík til Kaupmannahafnar
28. maí Þórshöfn
8 tíma stopp (en ekki mátti
fara í land) áður en siglt var
áfram til Hirtshals í Danmörku
30. maí Árósar
Gist í eina nótt og síðan
tekin ferja yfi r til Sjálands
31. maí Kaupmannahöfn
Akureyri
30. maí Hirtshals
Þaðan ekið til Árósa
27. maí Seyðisfjörður
Þaðan með Norrænu til
Þórshafnar í Færeyjum
26. maí Reykjavík
Ekið til Akureyrar
K
o
rt
a
g
ru
n
n
u
r:
m
a
p
s.
st
a
m
e
n
.c
o
m
www.gilbert.is
Hjá Gilbert úrsmið sérhæfum
við okkur í úrsmíði, hönnun
og framleiðslu úra
J S
WA
TCH
CO . REYK JAVK
Kröfu Fannborgar ehf., rekstrar-
aðila ferðaþjónustu í Kerlingarfjöll-
um um að uppbygging Kjalvegar í
Bláskógabyggð skuli ekki vera háð
mati á umverfisáhrifum, hefur verið
hafnað með úrskurði úrskurðar-
nefndar umhverfis- og auðlindamála,
sem vísaði kærunni frá.
Fannborg kærði ákvörðun Skipu-
lagsstofnunar frá 20. desember 2019
um að vegaframkvæmdin skyldi háð
mati á umhverfisáhrifum og krafðist
þess að hún yrði felld úr gildi.
Kærandi benti m.a. á að hann hefði
um langt skeið rekið ferðaþjónustu í
Kerlingarfjöllum og ætti óumdeildra
lögvarðra hagsmuna að gæta. Hann
hefði staðið fyrir umtalsverðri upp-
byggingu á starfsemi sinni undanfar-
in ár og myndi mat á umhverfis-
áhrifum fyrirhugaðrar vegafram-
kvæmdar hafa neikvæð áhrif á
starfsemi hans. Hún myndi hafa já-
kvæð áhrif á suma umhverfisþætti
eins og andrúmsloft og veðurfar,
heilsu og öryggi, vistkerfi, hagræna
og félagslega þætti. „Ferðatími á
Kjalvegi hafi styst verulega vegna
nýlegra lagfæringa á veginum, það
þýði minni olíumengun, minnkað kol-
efnisfótspor og minna dekkjaslit og
örplastsmengun,“ segir m.a. í
greinargerð með úrskurðinum um
sjónarmið kæranda.
Hin kærða ákvörðun muni fyrir-
sjáanlega valda miklum töfum á
fyrirhuguðum vegaframkvæmdum
sem sé í andstöðu við áherslur í lofts-
lagsmálum, en að óbreyttu sé vegur-
inn vart fær rafmagnsbílum.
Í niðurstöðu nefndarinnar segir
hins vegar að þegar horft sé til þess
að starfsstöð kæranda sé í um 10 km
fjarlægð frá Kjalvegi verði ekki séð
að einstaklingsbundnum hagsmun-
um hans verði raskað í neinum mæli
vegna hinnar kærðu ákvörðunar. Þá
sé ekki hægt að játa kæranda kæru-
aðild á þeim grundvelli að hin kærða
ákvörðun leiði til tafa á framkvæmd
sem hann hafi ekki forræði á þótt
hún kunni að leiða til betra aðgengis
að starfsstöð hans.
Kæru vegna mats-
skyldu hafnað
 Endurbætur á Kjalvegi háðar mati
Morgunblaðið/Einar Falur
Kjalvegur Ráðist í endurbætur.