Heilbrigðisskýrslur - 01.12.1959, Qupperneq 200

1959
198 —
f. ... 1903, var hjá mér í meltingar-
rannsókn i nóv.—des. 1960.
Diagnosis:
Resectio ventriculi seq.
Syndroma „Dumping“.
Achlorhydria gastrica.
Anæmia hypochromica.
Rannsóknir leiddu eftirfarandi í
ljós:
Achlorhydria við histamínpróf. Nei-
kvæðar fæces-rannsóknir fyrir occult
blóði. Blóðstatus sýndi lækkað hæmo-
globin og hæmatocrit og væga leucocy-
tosis, en eðlil. sökk. Síðustu rtg.mynd-
ir, er teknar voru (1955), sýndu grófar
fellingar í magastúf og hraða tæm-
ingu.
Einkenni sjúklings, skoðun og nið-
urstöður rannsókna benda til þess, að
meltingartruflun hans valdi töluverð-
um slappleika og missi á starfsorku
að óbreyttu ástandi.“
í málinu liggur fyrir bréf frá varn-
araðila, dags. 10. júní 1960, til hr. H.,
Noregi, svohljóðandi:
„Kæri H., vinur minn.
Ég veit, að þér muni farið að lengja
eftir linu frá mér, og bið ég þig að
fyrirgefa mér, að ég hef látið liða svo
langt á milli bréfa. En sú er ástæðan
til þessa, að ég vildi geta sagt þér með
vissu betri fréttir af mér en ég gat
síðast. Nú horfir allt betur fyrir mér.
Ég er búinn að fá mér nýjan hæsta-
réttarlögmann, og ég er búinn að fá
vottorð frá tveimur sérfræðingum í
geðsjúkdómum og sömuleiðis vottorð
frá heimilislækni minum. Þessi vott-
orð öll eiga að geta hnekkt öllu því,
sem G. [kona varnaraðila] og geð-
veikralæknirinn, sem ég tel, að ætli
sér að ná í hana fyrir konu og verða
þannig ríkur maður, hafa búið út. Nú
eru þau búin að spila út sinum tromp-
um og hafa unnið fyrri „rúbertuna“,
en svo kemur sú síðari, og hana mun
ég vinna. G. er í heljargreipum. Fyrir
utan læknirinn eru svo bræður hennar
fjórir, sem allir eru milljónerar og búa
i lúxusíbúðum og stórum liúsum, eiga
allir lúxusbila, fara í fcrðalög með
konurnar sínar i flugvélum út um öll
lönd og allt eftir þessu. Þeir hafa gert
allt til að fella mig, vegna þess að ef
ég skil við G. (if I get divorced from
G.), þá verður að skipta sundur hlut
hennar í „... h/f“, og þá hefði ég V2
hlut í hlutafélaginu og gæti að sjálf-
sögðu setið fundi i félaginu, fylgzt
með rekstri þess og reikningum og
heimtað upplýsingar og heimtað end-
urskoðun sérstakra endurskoðenda á
bókhaldi o. s. frv. Þá mundi ekki
verða eins gaman fyrir þessa „herra-
menn“ að lifa. G. glopraði þvi út úr
sér við móður mína, að lögmanninum,
sem ég hafði í undirrétti, hefði verið
mútað með miklum peningum. Senni-
lega hafa bræður hennar lika mútað
dómaranum. — Þetta er eins og í
Ameriku.
Ég skrifa þér bráðum aftur og segi
þá meira.“
Málið er lagt fyrir læknaráð
á þá leið,
að beiðzt er umsagnar um eftirfarandi
atriði:
1) Telur læknaráð með tilliti til
þeirra læknisvottorða, er lögð hafa
verið fram í máli þessu, svo og ann-
ars framburðar læknanna, að A. J.-son
sé eða hafi verið geðveikur?
2) Ef svo er, að A. J.-son sé eða
hafi verið geðveikur, þá hvort líklegt
sé, að honum sé batnað að fullu?
3) Sé A. heilbrigður andlega nú, en
hafi verið geðveikur, þegar . .. [fyrst-
nefndur sérfræðingur i tauga- og geð-
sjúkdómum hér að framan] gaf vott-
orð um, að svo væri, er þá liklegt, að
núverandi bati haldist þannig, að
hann verði starfhæfur?
4) Hvort sendibréf A. J.-sonar til
hr. H., dags. 10. júni 1960, beri nokk-
urn vott um andlegt heilsufar hans,
þegar það bréf var skrifað, og þá 1
hvaða átt?
Tillaga réttarmáladeildar um
Ályktun læknaráðs:
Ad 1. Læknaráð telur, að A. J.-son
hafi verið geðveikur.
Ad 2. Eftir gangi og eðli sjúkdóms-
ins verður ekki fullyrt, hvort um full-
an bata sé að ræða eða ekki.
Ad 3. Ekki er unnt að fullyrða um,
hvort A. muni verða starfhæfur aftur.