Heilbrigðisskýrslur - 01.12.1962, Síða 133
— 131 —
1962
verið gagn að ráðum og aðgerðum læknis, þá eru þau ekki ýkja mörg.
Nú í árslok kom til mín miðaldra bóndi, sem býr 35 km héðan. Hann
var með igerð í fingri, og var svo þunnt á henni, að ekki þurfti annars
við en lyfta skorpu yfir henni með nál, og vall þá fram gröftur. Hvorki
þurfti við deyfingar né ástungu, enda sag'ði bóndi að aðgerð lokinni:
„Einhvern tíma hefði maður gert þetta sjálfur“. Óhætt er að bæta við:
„og þó meira hefði verið“.
Bakkagerðis. Hringt var til mín seint að kvöldi vegna 4 ára drengs á
Bakkagerði, sem var með hita og abdominal-verki, svo og uppköst. Mjög
var erfitt umferðar, en þetta var 21. maí, vegir nær ófærir af aurbleytu
og mikill lausasnjór á fjallveginum til Borgarfjarðar. Beið ég til morguns,
og var þá drengurinn sízt betri. Lagði ég af stað nokkru fyrir hádegi,
en áður en ég fór, hringdi ég á landhelgisgæzluna og bað hana að senda
varðskip til Borgarfjarðar. Ferðin til Borgarfjarðar tók mig nær 7 tíma,
svarta þoka og nýfallinn snjór var á fjallinu, en logn og bezta veður, en
engin slóð. Var því mjög seinfarið gangandi, þó að leiðin væri ekki
löng. Klukkan 10% um kvöldið kom varðskip. Höfðu þeir verið út af
Skaftárósum, er þeir fengu beiðni um að fara mér til hjálpar. Fórum
við til Neskaupstaðar með drenginn, og klukkan 3% um nóttina var
drengurinn laus idð sinn botnlanga, sem var nærri perforatio, og heim
var ég aftur kominn um hádegi sama dag. Er þetta í annað skipti, sem
Landhelgisgæzlan hleypur undir bagga með mér, og kann ég henni beztu
þökk fyrir.
C. Aðrir heilbrigðisstarfsmenn.
í. Tannlæknar og tannsmiðir.
Tannlæknar, sem hafa tannlækningaleyfi á íslandi, töldust 73 i árslok.
Af þeim voru búsettir og starfandi í Reykjavík 41 (búsettir 47), búsettir
i öðrum kaupstöðum 12, utan kaupstaða 2, erlendis 11 og án fasts að-
seturs (bráðabirgðastörf erlendis) 1. Starfandi tannlæknar töldust 54
alls. Tannsmiðir, sem eru taldir stunda sjálfstæða atvinnu, eru 3.
Tannlækningaleyfi (takmarkað lækningaleyfi) veitt á árinu:
Sigurður Jónsson (21. marz).
Friðleifur Stefánsson (19. desember).
2. Sjúkraþjálfarar.
Nuddarar, sem hlotið hafa leyfi til starfs síns, eru taldir 22 í árslok.
15 eru búsettir í Reykjavík, 6 í öðrum kaupstöðum og 1 utan kaupstaða.
Ekkert þess háttar leyfi var veitt á árinu.
Á þessu ári voru sett lög um sjúkraþjálfun (nr. 31). Samkvæmt þeim
er starfsheitið hér eftir sjúkraþjálfari, en ekki nuddari.