Rit Mógilsár - 2014, Qupperneq 23

Rit Mógilsár 31/2014 23
dagsins ljós í þeirri vinnu.
Matarhandverk er nýtt hugtak sem Matís
vinnur að þessa dagana í tengslum við smá-
framleiðendur, en það er matvara sem tengd
er stað eða héraði og þar sem engin aukaefni
eru notuð við framleiðsluna. Einnig hafa verið
haldnar keppnir á vegum Matís í tengslum
við verkefnið „Lífhagkerfi í norðri“ þar sem
smáframleiðendum er gefinn kostur á að
fullvinna hugmyndir sínar að matvælum.
Matvælaframleiðsla heima í héraði er afar
mikilvægur þáttur með tilliti til byggða-
þróunar og er stöðug aukning í slíkri
framleiðslu á Norðurlöndunum, svo sem
með verkefninu „Ny Nordisk Mat“ og hjá
samtökun um Eldrimner í Svíþjóð. Svipuð
þróun er víðar í Evrópu þar sem stöðug
aukning er í verslun með staðbundin mat-
væli og stuttar virðiskeðjur eru að ryðja sér til
rúms í auknum mæli (Peters, 2012).
Framtíðin í skóginum
Afurðir íslenskra skóga geta orðið verulegur
þáttur í afkomu skógareigenda á komandi
árum ef rétt er að málum staðið. Nokkur atriði
þarfnast þó nánari skoðunar til að tryggja
að nýting skóganna sé sjálfbær og að
ekki komi upp ágreiningur þar að lútandi.
Nauðsynlegt er að skýra betur eignarrétt og
nýtingarrétt á afurðum skóga í lagalegu tilliti,
þannig að alltaf sé ljóst hver hafi rétt til að
nýta skóginn. Einnig er mikilvægt að hafa
yfirlit yfir söfnun afurða þannig að sjálfbær
nýting sé höfð að leiðarljósi. Jafnframt þarf
skipulag umhirðu og grisjunar í skóginum
að taka tillit til skógar afurðanna samhliða
umhirðu með tilliti til timburgæða.
Umhirðuáætlun skógarins þarf því að miðast
við að hugsað sé um skóginn sem eina heild
þar sem leitast er við að hámarka afurðir
skógarins til hagsbóta fyrir skógareigandann.
Í skógunum okkar búa miklir möguleikar sem
við eigum eftir að nýta og njóta. Við þurfum
að vanda okkur við hvert skref á þeirri leið en
framtíðin er meiri skógur og meiri og betri
nýting allra skógarafurða.