Rit Mógilsár - 2014, Page 32

32 Rit Mógilsár 31/2014
Aðferðafræði við gerð
skógræktarstefnu sveitarfélaga
Inngangur
Sveitarfélög geta nú nýtt sér aðferðafræði
við gerð skógræktarstefnu sem hluta af aðal-
skipulagi sveitarfélaga. Þessi aðferðafræði
er afrakstur vinnu sem fram fór við gerð
skógræktarstefnu Reykjavíkurborgar (Gústaf
Jarl Viðarsson o.fl. 2013) sem nú er hluti
af aðalskipulagi borgarinnar (Reykjavíkur-
borg 2013). Starfandi er samstarfshópur
skógræktar félaganna á höfuðborgarsvæðinu
sem hefur m.a. það markmið að gerð verði
skógræktarstefna fyrir öll sveitarfélög innan
höfuðborgarsvæðisins. Reykjavíkurborg reið
á vaðið og var með þeirri vinnu útbúinn
rammi sem önnur sveitarfélög eiga að geta
unnið eftir við gerð sinnar skógræktarstefnu.
Þessi rammi byggist á því að greina tækifæri
og möguleika til skógræktar sem til staðar
eru innan hvers sveitarfélags og hvaða leiðir
er hægt að fara til að framfylgja þeirri stefnu
sem sett er fram. Til að greina þá mögu-
leika sem eru til staðar var unnin landfræði-
leg forsendugreining þar sem möguleg
skógræktar svæði innan sveitarfélaga voru
afmörkuð miðað við gefnar forsendur. Þessar
forsendur geta verið mismunandi milli
sveitar félaga en með þessu móti er kominn
grundvöllur til að fjalla um möguleika til
skógræktar á faglegan hátt.
Skógræktarstefna
Reykjavíkur borgar
Í byrjun árs 2012 fól borgarstjóri Skógræktar-
félagi Reykjavíkur að vinna greinargerð um
skógræktarstefnu borgarinnar sem yrði
grunnur að stefnumörkun í aðalskipulagi
borgarinnar. Skipaður var starfshópur sem
var falið að skila skýrslu um skógræktarstefnu
borgarinnar og voru efnistök með þeim
hætti að skógræktarstefnan félli að þeim
ramma sem aðalskipulagið setur. Í starfs-
hópnum áttu sæti Aðalsteinn Sigurgeirs-
son, Björn Traustason, Helgi Gíslason, Ólafur
Sigurðsson og Þorvaldur S. Þorvaldsson.
Ritstjóri skýrslunnar var Gústaf Jarl Viðars-
son, en auk þess kom að verkinu Kristján
Bjarnason. Þessi hópur vann í nánu samstarfi
við embættismenn borgarinnar og skilaði
samstarfshópurinn mjög viðamiklu verki á
skömmum tíma. Greinargerðinni var skilað
haustið 2013 og var samþykkt af borgarráði í
lok árs 2013. Aðalskipulagið var samþykkt af
Skipulagsstofnun í byrjun árs 2014.
Í fyrri hluta greinargerðarinnar er fjallað
almennt um skógrækt innan borgarlandsins
og hvaða tækifæri geta falist í skógrækt til
framtíðar. Fjallað er um núverandi stöðu
skógræktar og möguleg skógræktarsvæði
miðað við þá forsendugreiningu sem gerð
var (1. mynd). Í seinni hluta greinargerðar-
Björn Traustason*1 og Gústaf Jarl Viðarsson2
1Rannsóknastöð skógræktar, Mógilsá; 2Skógræktarfélag Reykjavíkur
*bjorn@skogur.is
1. mynd. Möguleg og núverandi skógræktarsvæði
í umdæmi Reykjavíkurborgar.