Rit Mógilsár - 2014, Page 34

34 Rit Mógilsár 31/2014
trjátegundum sem eru ræktaðar á Íslandi.
Þetta fer þó eftir þeim markmiðum sem sett
eru með skógræktinni, ef t.d. er um að ræða
landgræðsluskógrækt með birkiplöntum eru
notaðar aðrar forsendur þar sem hitastig
þarf einungis að ná 7,6 °C að meðaltali yfir
sumarmánuðina (Wöll 2008).
Niðurstöður forsendugreininga eru algerlega
háðar þeim forsendum sem gefnar eru.
Breyttar forsendur þýða aðrar niðurstöður.
Í þessari forsendugreiningu falla svæði utan
mögulegra skógræktarsvæða ef meðalhiti
nær ekki 9,7 °C yfir sumarið. Þau svæði sem
falla innan mögulegra skógræktarsvæða
með tilliti til hitastigs geta skarast við ýmsa
landnotkun og notuð eru landfræðileg gögn
af ýmsu tagi til að afmarka þá landnýtingu.
Gerð var landfræðileg greining þar sem
notuð voru gögn á landsvísu til að útiloka
möguleg skógræktarsvæði vegna annarrar
landnýtingar. Í þessari greiningu er nánast
allt tekið til sem getur skarast við skógrækt
á einn eða annan hátt, en þó er ekki tekið
til þátta á borð við útsýni og beit þar sem
landupp lýsingagögn fyrir þau atriði liggja
ekki fyrir um allt landið. Þegar þessi svæði
hafa verið skorin frá standa eftir möguleg
skógræktarsvæði þar sem meðalhitastig
er hærra en 9,7 °C yfir sumarmánuðina og
3. mynd. Möguleg skógræktarsvæði á Íslandi
samkvæmt forsendugreiningu.