Rit Mógilsár - 2014, Qupperneq 81

Rit Mógilsár 31/2014 81
Notkun arginín-áburðar á rússalerki í tveimur
landgerðum – samanburður við hefðbundinn áburð
Útdráttur
Kannað var hver hagkvæmasti skammturinn
af arGrow® Support áburði væri á rússalerki
(Larix sukaczewi) fyrir gróðursetningu. Í kjöl-
farið voru settar út tilraunir í tveimur land-
gerðum þar sem áhrif áburðarins voru borin
saman við áhrif hefðbundins tilbúins áburðar
á rússalerki. Niðurstöður þessara tilrauna
leiddu í ljós að hagkvæmasti skammturinn
af arGrow® Support var 20 ml/plöntu fyrir
rússa lerki í 40 hólfa bakka og að mögulegt var
að koma áburðinum á plöntur í gróðrarstöð
með hefðbundinni yfirvökvun. Áburðurinn
hafði sömu áhrif og hefðbundinn áburður
á rússalerki í rýru skógræktarlandi en skilaði
lakari vexti þegar gróðursett var í mólendi.
Inngangur
Undanfarin ár hefur sænska líftæknifyrirtækið
Swetree unnið að þróun nýs áburðar fyrir
skógar plöntur. Köfnunarefnið (N) í honum er á
formi arginín-amínósýrunnar í stað ólífræna,
hefðbundna formsins sem er ammóníum
(NH4+) eða nítrat (N03-). Amínósýran
arginín samanstendur af fjórum N-atómum
sem eru um 32% af mólþunga sameindar-
innar (Linda Gruffman, 2013). Ein tegund
Swetree-áburðarins er arGrow® Support
(inniheldur aðeins N) sem er ætlaður til þess
að gefa skógarplöntum forða af N með sér
út í mörkina og er þá miðað við að plöntur
séu vökvaðar með honum áður en þær
fara til gróðursetningar. Þar sem arginín
er plúshlaðin sameind binst það auðveld-
lega við mínushlaðnar jarðvegsagnir, er því
lítt hreyfanlegt í ræktunarefni plantna og
skolast seint út (Linda Gruffman, 2013).
Þannig er hægt að nesta plöntur áður en þær
eru fluttar til gróðursetningar. Tilraunir með
að nota áburðinn á þennan hátt í Svíþjóð hafa
leitt í ljós aukinn hæðar- og þvermálsvöxt og
að lifun er betri hjá rauðgreni- (Picea abies)
og skógarfuruplöntum (Pinus sylvestris)
en hjá plöntum sem hafa fengið ólífrænan
N-áburð (Swetree technologies, 2014).
Plöntur sem aldar hafa verið upp á arGrow®
Complete (inniheldur N og önnur nauðsynleg
aðal- og snefilefni) í gróðrarstöð hafa hærra
rótar/sprotahlutfall en plöntur sömu tegundar
sem hafa fengið hefðbundinn áburð í upp-
eldinu. Hlutfall fínróta í rótarhnaus er einnig
hærra og fleiri rótarendar hafa svepprót í lok
ræktunarlotu í gróðrarstöð (Linda Gruffman
o.fl, 2012).
Hér á landi hefur tíðkast að bera hefðbund inn
ólífrænan áburð á plöntur við gróðursetn-
ingu. Virki arGrow® Support áburðurinn
með svipuðum hætti í foldu og hefð bundinn
áburður gæti fjárhagslegur ávinningur orðið
umtalsverður fyrir skógræktendur. Árið 2012
voru 227.496 rússalerkiplöntur gróðursett-
ar á vegum Norðurlandsskóga. Verkefnið
borgaði 7 kr. fyrir áburðargjöf á hverja plöntu.
Í þessum 7 kr. var innifalin bæði vinnan fyrir
áburðargjöfina og áburðurinn. Ef hefðbund-
inn áburður hefur verið borin á allar þessar
plöntur hefur sú áburðargjöf kostað
1.592.472 kr. Lítrinn af arGrow® Support
kostar tæplega 2.000 kr (vorið 2012). Hann
dugir á 3.500 plöntur miðað við að 20 ml séu
settir á hverja plöntu. Ef arGrow® Support
hefði verið notaður til áburðargjafar fyrir
samsvarandi magn af plöntum sumarið
2012 hefði áburðargjöf á lerki það árið kostað
130.000 kr.
Markmið þessa tilraunaverkefnis var (1) að
kanna hvaða skammtur af áburðinum myndi
gefa besta raun fyrir rússalerki og (2) að gera
Rakel J. Jónsdóttir
Norðurlandsskógum
rakel@nls.is