Rit Mógilsár - 2014, Síða 85

Rit Mógilsár 31/2014 85
arGrow® Support en að gefa engan áburð
eða 30 eða 50 ml (4. mynd).

Mælingar haustið 2013 leiddu í ljós að í
melnum á Espihóli voru áburðarmeðferðir-
nar með marktækt meiri ársvöxt en óáborna
meðferðin en ekki var marktækur munur á
ársvexti milli áburðarmeðferða (5. mynd). Í
mólendinu á Stóru-Hámundarstöðum var
marktækt mestur ársvöxtur í lerki sem hafði
fengið hefðbundna áburðargjöf. Meðferðin
sem fékk arGrow® Support óx þó einnig
marktækt meira en viðmið (6. mynd).
Umræður
Þar sem niðurstöður eftir sumarið 2012
sýndu að þær plöntur sem fengu 20 ml af
áburði uxu marktækt mest, var ákveðið að
nota þann styrk áburðarins við næstu til-
raun. Meiri styrkur áburðarins dró marktækt
úr ársvexti á fyrsta ári. Við áburðargjöfina
með sprautu vorið 2012, kom í ljós að erfitt
var að koma allri 28 ml áburðarblöndunni
í hnaus plantnanna. Þess vegna verður að
gera ráð fyrir að raunverulegt áburðarmagn í
hnausnum sé ekki alltaf nákvæmlega það
sem stefnt var að í upphafi. Skipt var um
aðferð við áburðargjöf vorið 2013 í þeim
tilgangi að sýna fram á að notkun áburðarins
væri framkvæmanleg með þeim aðferðum
sem yfirleitt eru notaðar í gróðrarstöðvum,
þ.e. með vökvun ofan frá. Þar er sömu sögu
að segja, ekki er víst að það magn sem stefnt
var á í upphafi hafi raunverulega fylgt plönt-
unum út í felt við gróðursetningu, vegna
þess að það veltur á rakastigi ræktunarefnis
í bökkum hverju sinni hve miklu er hægt að
bæta við af áburðarblöndu í hnausinn.
Mælingar haustið 2013 leiddu í ljós að í
melnum á Espihóli gerði arGrow® Support
áburðurinn sama gagn og hefðbundinn
áburður (enginn marktækur munur var á
vexti áburðarmeðferðanna). Hins vegar uxu
plöntur sem fengu hefðbundinn áburð mark-
tækt betur en þær sem fengu arGrow® Sup-
port í mólendinu á Stóru-Hámundarstöðum.
Plöntur sem fengu arGrow® Support uxu þó
meira þar en óáborið viðmið. Erfitt er að gefa
skýringar á því af hverju útkoman í mólend-
inu var önnur en á rýrum mel. Þannig
voru úrkomutölur frá næstu veðurstöðvum
beggja tilraunastaðanna svipaðar og því ekki
hægt að segja að hefðbundni áburðurinn
hafi leyst seinna upp vegna úrkomuleysis á
Espihóli og þess vegna ekki skilað sér til þess
tilraunaliðar þar.
Ályktanir
Niðurstöður þessarar tilraunar sýna að
hægt er að nota arGrow® Support á rýru
skógræktarlandi til að bæta marktækt vöxt
lerkis á fyrsta ári miðað við ef ekki var borið
á plönturnar, en sambærilegar niðurstöður
fengust um þetta í tveimur aðskildum til-
raunum. Seinni tilraunin leiddi jafnframt í ljós
að árang urinn var sá sami á rýra skógræktar-
landinu og ef hefðbundinn áburður hefði
verið notaður eftir gróðursetningu, sem er
nífalt dýrari aðferð.
Meiri rannsókna er þörf á notkun arGrow®-
áburðar í frjósamari landgerðum og einnig
hver áhrifin eru til lengri tíma í báðum land-
gerðum, miðað við hefðbundna áburðargjöf
með tilbúnum áburði.