Þjóðmál - 01.06.2016, Síða 5

RITSTJÓRNARBRÉF
Markmið Sjálfstæðisflokksins í kosningum
Fyrir marga stuðningsmenn Sjálfstæðisflokksins voru úrslit þingkosninganna 2013 vonbrigði.
Þótt flokkurinn bætti við sig þremur þingmönnum og þremur prósentustigum mistókst
honum að ná fyrri styrk. Líklega var það aldrei raunhæft en það kom ekki í veg fyrir að hinir
bjartsýnu létu sig dreyma.
Hafi það verið óskhyggja - óraunsæi bjartsýnismanna - að reikna með að Sjálfstæðisflokk-
urinn gæti endurheimt að fullu traust kjósenda árið 2013, ætti fátt að koma í veg fyrir það í
komandi kosningum, sé rétt á málum haldið.
Meðalfylgi Sjálfstæðisflokksins í fjórum þingkosningum frá 2003 er rétt liðlega 30% en þar
vega verstu úrslit flokksins árið 2009 þungt. Þá fengu sjálfstæðismenn aðeins 23,7% atkvæða.
í síðustu kosningum fékk Sjálfstæðisflokkurinn 26,7% sem er svipað og 1987 þegar Borgara-
flokkur Alberts Guðmundssonar, hjó skarð í stuðningsliðið með tæpum 11 % atkvæða.
Frá 1963 er meðalfylgi Sjálfstæðisflokksins 35,3% eða svipað og það var að meðaltali í
tveimur kosningum fyrir hrun fjármálakerfisins. Hér er því haldið fram að sjálfstæðismenn eigi
að setja sér tvennt konar markmið fyrir kosningarnar á komandi hausti:
• I fyrsta lagi að ná ekki síðri árangri en 2003 (33,7% sem þó er undir meðalfylgi frá 1963)
• í öðru lagi að ná þeim árangri í kosningunum að ekki verði mynduð ríkisstjórn án þátttöku
Sjálfstæðisflokksins og undirforsæti formanns hans; Bjarna Benediktssonar.
Sterk málefnastaða
Málefnaleg staða Sjálfstæðisflokksins er sterk. Á kjörtímabilinu hefur mikið áunnist. Skuldir
ríkissjóðs, sem áður voru að sliga landsmenn, eru með því lægsta sem þekkist. Hagvöxtur er
sterkur, kaupmáttur launa hefur ekki verið meiri og skuldir heimilanna hafa lækkað gríðarlega
og eigið fé vaxið að sama skapi. Stigin hafa verið mikilvæg skref í að lækka skatta þótt hægt
hafi gengið að lagfæra þau skemmdarverk sem unnin voru á skattkerfinu f tíð ríkisstjórnarinnar
sem kenndi sig fyrst og síðast við norræna velferð og sagðist hafa slegið skjaldborg um
ÞJÓÐMÁL sumarhefti 2016 3