Þjóðmál - 01.06.2016, Page 9

AF VETTVANGI STJÓRNMÁLANNA
Björn Bjarnason:
Nýr forsætisráðherra,
nýr forseti, Bretar úr ESB
Stórtíðindi hafa gerst á vettvangi stjórn-
málanna undanfarna mánuði. Hefði einhver
spáð því fyrir ársfjórðungi að Sigmundur
Davíð Gunnlaugsson segði af sér sem
forsætisráðherra, Ólafur RagnarGrímsson
hætti við að hætta sem forseti til þess eins
að ákveða aftur að hætta, Árni Páll Árnason
hætti sem formaður Samfylkingarinnar, nýr
stjórnmálaflokkur, Viðreisn, kæmi til sögunnar
eða Bretar segðu sig úr Evrópusambandinu
hefði sá hinn sami verið talinn í besta falli
ótrúverðugur. Allt hefur þetta gerst og margt
fleira og má þar nefna markverð skref Islend-
inga út úrfjármagnshöftum og glæsilegan
árangur íslenska karlalandsliðsins á EM 2016
í Frakklandi.
I.
Sunnudaginn 3. apríl klukkan 18.00 var
sýndur aukaþáttur af Kastljósi sjónvarpsins.
Þetta var daginn sem heimilt var að segja frá
svonefndum Panama-skjölum, 11 milljónum
skjala sem lekið varfrá lögfræðistofunni Mossack
Fonseca í Panama. Skjölin sýna meðal annars
hvernig lögfræðistofan aðstoðaði viðskipta-
vini sína við peningaþvott og skattaundaskot
á aflands- og leynireikningum. Kastljósið
var unnið í samvinnu við einkafyrirtækið
Reykjavík Media, Alþjóðasamtök rannsóknar-
blaðamanna (ICIJ) og þýska dagblaðið Sud-
deutsche Zeitung.
Þegar þátturinn var sýndur vissu áhorfendur
ekki að samtal í honum við Sigmund Davíð
Gunnlaugsson forsætisráðherra hafði verið
tekið upp föstudaginn 11. mars í Ráðherra-
bústaðnum viðTjarnargötu.
Skömmu eftir upptöku þáttarins,
þriðjudaginn 15. mars, birti Anna Sigurlaug
Pálsdóttir, eiginkona Sigmundar Davíðs,
greinargerð á FB-síðu sinni um ráðstöfun á
ÞJÓÐMÁL sumarhefti 2016 7