Þjóðmál - 01.12.2019, Qupperneq 64

62 ÞJÓÐMÁL Vetur 2019
Dscout, fyrirtæki sem sérhæfir sig í rannsóknum
á notkun fólks á viðmóti hvers konar, birti
árið 2016 niðurstöður ítarlegrar rannsóknar á
notkun snjallsíma. Félagið hafði í þessari
rannsókn sett upp búnað á snjallsíma, í
samráði við þátttakendur, sem taldi hve oft
á dag þeir snertu tækið. Að meðaltali snertir
fólk símann 2.617 sinnum á dag. Þá eru allar
snertingar taldar en í hvert skipti sem síminn
er tekinn upp getur hann verið snertur oft.
Þeir sem eru í efstu 10 prósentunum snerta
símann oftar en 5.400 sinnum á dag.
Við vitum að margir eru oft í símanum enda
er hann mikið þarfaþing. Við þurfum að
fylgjast með hvað er að gerast, lesa fréttir,
skoða Facebook, svara skilaboðum og margt
fleira. Einnig er til önnur ástæða fyrir hinni
miklu notkun. Síminn er beinlínis hannaður
til þess að vera ávanabindandi. Tæknirisarnir
græða á því að fólk sé sem mest í símanum
og þannig geta þeir safnað gögnum og birt
auglýsingar.
Bókakynning
Fjórða
iðnbyltingin
Útgefandi: Almenna bókafélagið
Höfundur: Ólafur Andri Ragnarsson
Fjórða iðnbyltingin stendur nú yfir og fram­
undan eru miklar breytingar. Róbotar taka
yfir störf, gervigreind leysir ráðgjafa af hólmi
og drónar munu ferja fólk og varning. Tækni
framtíðarinnar er í senn heillandi, ógnvænleg
og sveipuð óvissu.
Í bókinni fer fer Ólafur Andri Ragnarsson,
tölvunarfræðingur og aðjúnkt við Háskólann
í Reykjavík, yfir iðnbyltingar fyrri tíma og
ræðir við hverju megi búast af þeirri fjórðu.
Hér er sérlega áhugaverð bók fyrir alla sem
hafa til dæmis áhuga á tæknisögu sem og
almenna áhugamenn.
Þjóðmál birtir hér stuttan kafla úr bókinni.
Snjallsíminn ómissandi