Strandapósturinn - 02.01.2008, Qupperneq 13

13
ur, vil ég þakka þeim kærlega fyrir góða ferð og svo öllu mínu
samferðafólki því eins og ég segi alltaf þá tekst þetta ekki nema
með góðu samstarfi allra.
Í þessari ferð var mikið sungið, sagðir brandarar, farið með
stökur og margar góðar vísur kveðnar. Eins og gengur þegar stór
hópur ferðast saman vill bregða við að fólk sé misheppið með
hótelherbergin sín, sumir fá stór og aðrir lítil. Læt ég fylgja eina
vísu sem var kveðin í Tíról við slíkar kringumstæður.
Mismunur er mikill hér.
Það má ei undan líta.
Svítan hún mun sóma þér,
ég sjálf verð skáp að nýta.
S.Í.
Haustballið var haldið þann 20. október 2007 og vorballið 14.
apríl. Í kringum eitthundrað manns mættu á böllin en þó heldur
færri á vorballið. Ég hef trú á að fólk vilji halda í þessar skemmt-
anir okkar enda eru ekki orðnir svo margir staðir sem hægt er að
fara að dansa á.
Kaffidagurinn var haldinn 6. maí og mættu þar rúmlega 400
manns. Félagsmenn eiga miklar þakkir skildar fyrir dugnað við að
aðstoða okkur við að halda þennan dag svona skemmtilegan,
bæði með því að mæta á staðinn og einnig fyrir að færa okkur
meðlæti. Ekki má gleyma kórnum okkar sem lyftir nú aldeilis upp
stemningunni. Vil ég nota tækifærið og þakka öllu þessu fólki
kærlega fyrir þeirra framlag.
Já, við getum vel við unað með hversu vel starfsemin gengur í
félaginu okkar.
Stjórn og skemmtinefnd héldu fimm fundi á árinu.
Vil ég þakka þeim öllum fyrir gott samstarf, einnig þakka ég
öllum sem hafa stutt félagið á einn eða annan hátt og óska þeim
alls hins besta í framtíðinni.
Takk fyrir ánægjulegt samstarf, kæru félagsmenn.