Strandapósturinn - 02.01.2008, Qupperneq 15

15
um með að syngja nokkur lög. Að loknum söng var Bolungarvík
kvödd þar sem hún skartaði sínu fegursta, glampandi sól og hæg-
um norðan andvara. Nú lá leiðin um Óshlíð, Hnífsdal og Eyr-
arfjall til Ísafjarðar. Rútan fór með hópinn að Hömrum, sal tón-
listarskólans, en þar voru tónleikar kóranna haldnir. Eftir
velheppnaða tónleika voru félagar úr Rökkurkórnum kvaddir og
kórfélagar úr Kór Átthagafélags Strandamanna ásamst fjölskyld-
um héldu að Núpi við Dýrafjörð þar sem ágætis gistiaðstaða og
dýrindis kvöldverður beið hópsins. Undir borðum var starfsemi
kórsins tekin út á léttum og gamansömum nótum.
Að morgni næsta dags sem var sunnudagurinn 3. júní var hald-
ið af stað frá Núpi í sama blíðskaparveðrinu og ekið yfir Hrafns-
fjarðarheiði niður í Arnarfjörð. Stuttur stans var gerður við Dynj-
andisfoss og síðan ekið um Dynjandisheiði, suðurfirði Vestfjarða
og Dalina í átt til Reykjavíkur. Til höfuðborgarinnar var komið
um klukkan sex eftir góða og velheppnaða ferð.
Æfingar haustsins hófust 16. september. Með því hófst und-
irbúningur aðventuhátíðarinnar sem haldin var í Bústaðakirkju
sunnudaginn 9. desember. Þar söng kórinn við undirleik strengja-
sveitar. Barnakórinn hafði samkvæmt venju sinn fasta og ómiss-
andi sess á hátíðinni og söng nokkur lög undir stjórn Jensínu
Waage. Jólahugvekjuna flutti Kristín Árnadóttir starfandi djákni í
Húnavatnsprestakalli og skólastjóri grunnskólans á Borðeyri. Eft-
ir hátíðina í kirkjunni bauð kórinn gestum til kaffihlaðborðs í
safnaðarsal kirkjunnar.
Stjórnandi Kórs Átthagafélags Strandamanna er Kristína
Szklenár. Á starfsárinu voru hljóðfæraleikarar með kórnum Ju-
dith Þorbergsson á píanó, Hjörleifur Valsson á fiðlu, Magnea
Árnadóttir á flautu og Bryndís Björgvinsdóttir á selló. Öllu þessu
frábæra tónlistarfólki vil ég fyrir hönd kórsins færa bestu þakkir
fyrir afar gott samstarf, einnig Átthagafélagi Strandamanna dyggi-
legan stuðning við starfsemi kórsins sem og öðru tónlistarfólki og
öðrum velunnurum.
Þegar síðustu tónar aðventuhátíðarinnar hljóðnuðu lauk þessu
starfsári Kórs Átthagafélags Strandamanna.