Strandapósturinn - 02.01.2008, Page 17
17
Þórður Sigurðsson, núverandi eigandi jarðarinnar og síðasti
bóndinn á bænum, býr þar ekki lengur en nytjar túnið. Hann er
nú staddur þar og er að hlaða heyvagn sinn frammi í túnhorninu.
Við göngum til hans, heilsum upp á hann og biðjum leyfis til að
heimsækja Mókoll1, sem er auðsótt. Honum líst vel á þá hugmynd
okkar að fara efri leiðina fram eftir, hún sé léttari þegar upp er
komið á Miðdegisfjallið og útsýnið skemmtilegt yfir dalina og eins
út um allan Kollafjörð. Við sveigjum því af venjulegri gönguleið,
sem liggur fram með Þrúðardalsánni og göngum upp svonefnd
„Flóð“, sem er mýrlendi framan við nátthagann. Svo göngum við
fram á Bingi, en svo nefnist bungumyndaður hjalli í miðri hlíð-
inni frammi undir Litladal. Fremst á eða framan við Bingina lypp-
ast Hamarssneiðingar upp hlíðina, frá mógröfunum, upp norð-
urbakka Þverár, yfir Bingi og upp fjallið utan við Flóðkinn í mynni
Litladals, upp á Brún og gegnum Skörð. Þaðan liggur svo gamli
alfararvegurinn yfir Bitruháls að Gröf í Bitru.
1 Landnámsmaður, sem á að vera grafinn í Mókollshaugi.
Mókollshaugur.