Strandapósturinn - 02.01.2008, Qupperneq 36

36
fundum Íslendinga í Vest-
urheimi fyrir 1000 árum.
Aðstæður til vínræktar eru
góðar í Ungverjalandi, sumur
eru að jafnaði heit, oft yfir
30°C og sólrík, ekki síst á Bala-
tonsvæðinu. Vetur eru stuttir
1–3 mánuðir og að hluta til
venjulega fremur kaldir með
hitastigi vel undir frostmarki
jafnvel í 2–4 vikur. Slíkt veðurfar hentar vínviðnum vel. Jarðvegur
er víða blanda af niðurbrotnu forsögulegu eldfjallabergi (basalti)
og lífefnaríkum leir og hefur reynst vel fallinn til vínræktar. Tíð-
arfarið er þó nokkuð breytilegt, inn á milli koma votviðrasöm
sumur með litlum hlýindum og takmarkaðri sól. Eitt slíkt var sum-
arið 2005 sem var eitt hið votviðrasamasta í langan tíma og hafði
það einhver neikvæð áhrif á víngæði þess árgangs.
En þrátt fyrir þetta votviðrasama sumar var vöxtur og fram-
leiðslumagn nærri meðallagi og gæði vínsins vel við unandi. Þetta
sýnir að vínrækt í Ungverjalandi má stunda með góðum árangri
jafnvel í fremur köldum og votviðrasömum sumrum. Gæðin verða
þó nokkuð misjöfn enda er mikil sól með hæfilegri úrkomu for-
senda hámarksgæða.
Almennt má segja um ungversk vín, að gæði þeirra eru sam-
bærileg við gæði þekktra vína frá ýmsum heimshornum. Þau hafa
hins vegar ekki verið í tísku. Gæðunum hrakaði mjög í seinni
heimsstyrjöldinni og einkum á kommúnistatímanum eftir stríðið,
enda markaður fyrir þau þá aðallega í Sovétríkjunum þar sem
ekki var spurt um gæði heldur magn. Þetta stendur þó mjög til
bóta nú eftir aðild Ungverjalands að Evrópusambandinu og vax-
andi utanríkisviðskipti á kröfuhörðum mörkuðum.
Svavar Jónatansson, verkfræðingur og vínbóndi