Strandapósturinn - 02.01.2008, Side 107

107
Grunnleigusamningur
Jón Elías Jónsson, ráðsmaður á Munaðarnesi og Ólafur Guð-
mundsson, útgerðarmaður í Hafnarfirði og Gústav Grönvold,
Reykjavík, gera svofelldan
Grunnleigusamning
1. Jón Elías, selur fyrir hönd þeirra, sem eiga jörðina Munaðar-
nes – þeim Ólafi og Grönvold, grunn til leigu í landareign
jarðarinnar „Munaðarness” í Árneshreppi í Strandasýslu.
2. Grunnurinn er norðan við grunn Stefáns Jónassonar og
áfastur við hann. Stærð grunnsins er 160 – eitt hundruð og
sextíu – metrar í beinni línu við sjó fram, frá grunni Stefáns
Jónassonar og 25 – tuttugu og fimm – metra, talið frá stór-
straumsflóðfari, á land upp.
3. Lækur rennur á takmörkum grunna þeirra Stefáns og Ólafs
og Grönvolds. Sá lækur tilheyrir grunni þeirra Ólafs og
Grönvolds og talinn með þeirri útmælingu.
4. Leigutíminn er 40 – fjörutíu ár – frá undirskrift þessa samn-
ings að telja. Leigurétturinn er óuppsegjanlegur frá leigusala
hálfu, en leigutakar geta sagt honum frá 9. maí 1921 með
eins árs fyrirvara.
5. Heimilt er leigutökum að nota grunninn til alls þess er að
síldarútgerð og fiskveiðum lýtur í fyllsta máta. Jafnframt að
gera á honum mannvirki alls konar og bryggjur í sjó út svo
langt, sem þeir álíta nauðsynlegt til reksturs atvinnuvegum
sínum. Einnig er leigutökum heimilt að gera uppfyllingar í
fjörunni í hinu leigða landi og nota til þess möl og grjót í
hinu leigða landi og fyrir utan eftir þörfum endurgjalds-
laust.
6. Framsal leiguréttarins er leigutökum heimil.
7. Árlegt gjald fyrir leiguréttinn er kr. 160,00 – eitt hundruð og
sextíu krónur og greiðist fyrir 15. okt. ár hvert til jarðeigend-
anna á Munaðarnesi eða umboðsmanns þeirra; í fyrsta sinn
fyrir 15. október 1917. Ársgjald greiðist ár hvert þar til grunn-
inum er sagt upp, hvort sem leigutakarnir nota grunninn
eða ekki.
8. Heimilt er leigutökum að leiða vatn úr þeim læk sem þeir
álíta best fallinn til þess og nota það endurgjaldslaust, þó
þannig að ekki verði jarðrask að að mun.