Strandapósturinn - 02.01.2008, Qupperneq 111

111
Ólafssyni Hafnarfirði og Ásgrími Einarssyni í Skagafirði. Þeir aft-
ur á móti keyptu skipið 11. maí 1905 og bar einkennisstafina GK
305. Það var smíða í Englandi 1884 úr eik og var 92 brl. og með
120 ha. Compound vél. Ásgeir hélt skipinu út sem línuveiðara.
Það er því misminni hjá Guðmundir P. Valgeirssyni að þetta hafi
verið járnskip en vafalaust er það rétt hjá honum að búið hafi
verið að fjarlægja vélina úr því. Guðmundur P. Valgeirsson telur
að þarna hafi verið saltað í tvö sumur og er svo að skilja að það
hafi verið 1919 og 1920. Ólafur Guðmundsson segir aftur á móti
í viðtali að þar hafi aðeins verið saltað eitt sumar (1919). Fyrir því
eru góðar heimildir að það hafi verið bræðurnir Ásgeir og Guð-
mundur Péturssynir frá Akureyri hafi byggt bryggjur og húsið
líklega sumarið 1919. Þess má geta að Ásgeir Pétursson var með
Stefáni Jónassyni í ýmsu útgerðarbraski á þessum árum.
Gustav Grönvold var látinn þegar seinni samningurinn er gerð-
ur og stendur dánarbú hans því að honum. Það er og nokkuð víst
að varla hefir blekið verið þornað af samningnum þegar hann er
framseldur til þeirra bræðra Ásgeirs og Guðmundar Péturssona
og ekki er ólíklegt að Ásgeir hafi einnig fengið lóð Stefáns Jón-
assonar, félaga síns.
En hverjir eru þeir sem koma við sögu þessara samninga? Það
hefi ég grafið upp og er þeirra getið hér á eftir.
Gustav Valdimar Grönvold (eldri) í Hafnarfirði. F. 28. jan. 1892 d. 14. ág.
1918. F. á Siglufirði.
Jón Elías Jónsson á Munaðarnesi – afabróðir Guðmundar á Munaðarnesi. F.
9. des. 1883 d. 31. maí 1953. Bjó alla ævi á Munaðarnesi. Hann var um
þessar mundir ráðsmaður hjá móður sinni sem var orðin ekkja.
Guðmundur Gísli Jónsson á Munaðarnesi – afi Guðmundar á Munaðarnesi. F.
28. okt. 1871 d. 9. nóv. 1939. Bjó alla ævi á Munaðarnesi.
Ólafur Andrés Guðmundsson frá Eyri í Ingólfsfirði. Framkvæmdastjóri í Reykja-
vík. F. 8. maí 1891 d. 1. ág. 1979.
Guðjón Guðmundsson hreppstjóri á Eyri í Ingólfsfirði. F. 5. feb. 1890 d. 8. nóv.
1971.
Stefán Jónasson skipstjóri og útgerðarmaður á Akureyri. F. 13. sept. 1881 – d.
22. jan. 1982. F. á Kífsá í Glæsibæjarhreppi (nú innan marka Akureyr-
ar).
Ásgeir Pétursson f. 30. mars 1875 á Svalbarðsströnd var umsvifamikill síld-
arspekúlant strax um 1900 og einn af frumkvöðlum togaraútgerðar á Ís-
landi. Þeir áttu mikið saman að sælda hann og Stefán Jónasson.