Strandapósturinn - 02.01.2008, Qupperneq 112

112
Guðmundur Pétursson f. 17. nóv. 1876 á Neðri-Dálkstöðum á Svalbarðsströnd
d. 28. sept. 1966 og var útgerðar- og kaupmaður á Akureyri.
Bréf til sýslumanns Strandasýslu:
Veleðla herra sýslumaður!
„Orðsökin, að við undir skrifaðir tökum okkur þá djörfung fyrir að
mæða yðar veleðlaheit með línum þessum er sú að þann 25. ágúst síðast
liðinn fannst dauður hvalfiskur fram af Krossnesi af Finnbogastaða-
mönnum sem þann dag ætluðu til hákals héðan. Þeir fóru til lands og
kölluðu nokkra af sínum nábúum með sér so þeir urðu saman nær 30 á
fjórum skipum og einum bát. Þessir skáru af hvalnum spik og rengi á
skip sín og komust til heimila sinna um morguninn þann 26. Þennan
sama morgun sást frá Kambi um sólar uppkomu austur af Gjögurshlein
nokkur svört þústa, var þá róið fram af þremur mönnum á einum bát.
Fann Árni þar hvalræfil, kallaði þá til lands og komu fram til hans
Magnús í Byrgisvík með annan mann og Andrés í Veiðileysu með ann-
an. Þeir festu sig við hvalinn og héldu uppundir Byrgisvík sem vel lukk-
aðist. Á leiðinni kom til þeirra bátur frá Melum með fimm mönnum og
annar frá Reykjarfirði með fjórum. Þessir festu hann við land í Byrg-
isvík. Var þá Hvalfiskurinn svoleiðis útlítandi að okkar áliti að allt spik
og rengi var ofansjávar af honum skorið og líka festarhald og garnir út
hlaupnar. Í anledning [tilefni] af framanskrifuðu og þar af fljótandi lít-
illi misklíð og óánæju er okkar auðmjúk fyrirspurn til yðar veleðlaheita,
hvort okkur muni óhætt að skera hval á floti (ef finna kinnum) skammt
eða langt frá landi án þess að gjöra mögulega tilraun að róa hann til
lands eður festa.
Uppá þessa okkar fyrirspurn óskum við yðar góðu upplýsingar það
fyrsta að skeð getur.
Krossnesi 19. október 1823
Jón Jónsson – Grímur Alexíusson – Árni Árnason –
Jörundur Bjarnason
Jón Grímsson Munaðarnesi – Magnús Bjarnason –
Andrés Guðmundsson.“
Heimild: Þjóðskjalasafn.
Skráð hefir: Guðlaugur Gíslason frá Steinstúni.