Strandapósturinn - 02.01.2008, Qupperneq 127

127
Á hvítasunnunni 1944 var hann fermdur í kirkjunni í Unaðsdal
14 ára gamall. Fermingarveislan var haldin þrjá sunnudaga í röð,
því of lítið pláss var fyrir alla gestina. Þess vegna þurfti að dreifa
þeim niður. Það komu allt að 25 gestir í einu og hafa verið um 75
manns allt í allt sem komu í fermingarveisluna. Boðið var upp á
dýrindis kræsingar svo sem rjómatertur, smákökur og súkkulaði.
Gjafirnar voru ekki alveg eins og þær gerast núna en voru samt
mikils metnar. Hann fékk t.d. kassamyndavél, seðlaveski, arm-
bandsúr og 35 kr. 8
8. maí 1945 á 15 ára afmælisdegi Finnboga lauk fyrri heimstyrj-
öldinni. Upp úr því varð mikil bylting í atvinnumálum. 16 ára fór
hann í vegavinnu og sá þá fyrst jarðýtu. 1947 hættu foreldrar hans
búskap og fluttust frá Snæfjallaströnd að Súðavík, þar sem faðir
hans fór að kenna í grunnskólanum og varð síðar skólastjóri.
Finnbogi ætlaði alltaf að verða bóndi en eftir að hann fluttist til
Súðavíkur spurði pabbi hans hann hvort hann vildi ekki bara fara
í Kennaraskólann og gerði hann svo.9
Sigfríð Lárusdóttir
Sigfríð Lárusdóttir er fædd 11. ágúst 1938 í heimahúsi í Hnífs-
dal og er næst elst sex systkina. Foreldrar hennar voru Lárus Ing-
var Sigurðsson og Daníela Jóna Jóhannsdóttir. Fjölskyldan fluttist
til Ísafjarðar þegar Sigfríð var orðin tveggja ára. Þar bjó hún til sjö
ára aldurs og hóf skólagöngu sína þar. Þegar hún var sjö ára flutt-
ist hún til Súðavíkur. Þar hafði faðir hennar fengið pláss á skipi
sem skipsstjóri og móðir hennar var heimavinnandi húsmóðir.10
Í Súðavík var rafmagnið skammtað, því var hleypt á klukkan
átta á morgnana og tekið af klukkan tólf á kvöldin. Rafmagnið var
aðeins fyrir lýsingu en hvorki fyrir eldavélar né ísskápa. Hjá Finn-
boga var ekkert rafmagn, hann bjó í sveit en hún bjó í þéttbýli,
sem býður upp á fleiri kosti. Eldavélin var hituð upp með olíu og
ekki var til ísskápur á heimilinu en fólk gat geymt mat í kössum í
frystihúsinu. Þetta var ekki hægt í sveitum því þar hafði fólk ekki
aðgang að frystihúsum og þurfti því að setja matinn í sýru, salta
hann eða geyma hann á einhvern annan hátt. Því gat fólkið ekki
8–9 Finnbogi Jóhannsson.
10 Sigfríð Lárusdóttir.