Strandapósturinn - 02.01.2008, Blaðsíða 134

134
Bandarískt eftirlitsskip (korvetta) U.S.S. Ericsson sigldi niður
vélbátinn Græði RE-76. Þetta var um 8 sjóm. NV af Gróttu. At-
burðurinn varð að morgni 13. febrúar 1942. Einn skipverji fórst
og sex skipverjar björguðust um borð í eftirlitsskipið, sem var ljós-
laust. Græðir var 31 sml. að stærð. Á þann veg var sagt frá þessum
skipsskaða á Faxaflóa í Árbók S.V.F.Í. 1942. Ekki er getið um þenn-
an atburð í Öldinni okkar.
Tveir af skipverjum, sem komust af voru Strandamennirnir
Kristinn Jónsson frá Seljanesi (síðar Dröngum) og Ólafur Bjarni
Thorarensen Pálsson frá Kúvíkum við Reykjarfjörð. Það var mál-
venja hjá sumum fyrir norðan að nefna Kúvíkur Reykjarfjörð eða
Kaupstað.
Græðir var landróðrabátur og var að fara í róður frá Reykjavík.
Það var mjög kalt þennan morgun, talsvert frost en stillt veður.
Skipstjóri var í stýrishúsi ásamt Ólafi Bjarna en hann var nýbúinn
að ræsa þá af áhöfninni sem voru frammi í lúkar. Græðir var með
öll siglingaljós kveikt. Skipstjóri mun hafa orðið var við eftirlits-
skipið skömmu áður en það rakst á bátinn. Hann reyndi að bregð-
ast við samkvæmt því, því hann bað Ólaf Bjarna að hafa hurðina
opna á stýrishúsinu til öryggis þegar hann sá hvað verða vildi.
Eftirlitsskipið var fremur lágt á sjónum og festist báturinn
snöggvast við það og tókst því Kristni og þremur öðrum af áhöfn-
Guðmundur Steinarr Gunnarsson
Bátur sekkur
eftir árekstur
á Faxaflóa
1942