Strandapósturinn - 02.01.2008, Qupperneq 136

136
þá vélstjóri á bát, sem lá þar í höfninni. Ingólfur lánaði honum
eitthvað á fæturna og peninga fyrir strætisvagnsmiða svo hann
kæmist út í Skerjafjörð en hann bjó þar hjá systur sinni Elísabetu
Thorarensen. Eitthvað mun farþegum í vagninum hafa þótt
klæðnaður hans furðulegur, en spurðu þó einskis. Síðar fóru svo
fram sjópróf í Reykjavík.
Ólafur Bjarni telur að hann hefði ekki orðið til frásagnar af
þessum atburði ef Kristinn hefði ekki brugðist svo fljótt við og
tekið frumkvæðið við björgun sína.
Íslenskir sjómenn upplifðu margt á þessum árum. Oft mátti
ekki segja nákvæmlega frá öllu sem fyrir kom vegna styrjaldarinn-
ar því sjálfsagt hefur þá verið ritskoðun og sjómennirnir voru van-
ir að mæta slíkum atburðum og örlögum sínum af æðruleysi.
Þeirra hlutskipti var að sigla og þeir björguðu hundruðum manna
á ferðum sínum yfir hafið og einnig hér við land af skipum, sem
hafði verið sökkt og voru þeir flestir frá stríðsaðilunum, ýmist
sjóliðar, hermenn eða farmenn af farmskipum, sem voru í birgða-
eða hergagnaflutningum. Allar frásagnir því tengdar voru þá oft
aðeins stuttar fréttatilkynningar ef sagt var frá atburðum á annað
borð.
Eftirlitsskipið sem olli árekstrinum var við eftirlit á svæðinu frá
Hvalfirði að Garðskaga og varð það að halda sig á því svæði að fyr-
irmælum sjóhersins og hefur eflaust þurft að fá leyfi til þess að
breyta út af því. Skipið hefur sjálfsagt verið á lítilli ferð þegar
áreksturinn varð. Ekki virðist áhöfnin hafa fylgst vel með siglingu
skipsins eða umferð skipa á svæðinu. Fyrstu viðbrögð sjóliðanna
minna á að þar gætu byssuglaðir nautasmalar frá Texas hafa verið
í áhöfn, sem marka má af viðbrögðum þeirra er þeir urðu varir
við skipbrotsmenn.
Ég heyrði Ólaf Bjarna segja foreldrum mínum frá þessum at-
burði á heimili þeirra á Djúpuvík 1943 er hann kom þar í heim-
sókn. Ólafur Bjarni var þá að fylgja ömmu sinni Elísabetu Bjarna-
dóttur frá Kúvíkum til grafar er hún var jarðsett í Árnesi í
Trékyllisvík. Ólafur Bjarni lýsti þessum atburði á svo myndrænan
hátt að frásögn hans er mér enn nokkuð skýr í minni. Þessi at-
burður rifjaðist upp fyrir skömmu er ég var beðinn um mynd úr
safni foreldra minna og fann ég þar meðal annars mynd af Thor-
arensen-húsinu í Kúvíkum. Fyrir utan ættartengsl móður minnar