Strandapósturinn - 02.01.2008, Síða 137

137
við Ólaf Thorarensen í Kúvíkum þá var góð vinátta með foreldr-
um mínum og Ólafi Thorarensen og hans fólki en hann var afi
Ólafs Bjarna.
Er foreldrar mínir fluttu til Djúpuvíkur 1935 bjuggu þau í fyrstu
í Thorarensen-húsinu í Kúvíkum hjá Ólafi Thorarensen áður en
þau fengu íbúð í Djúpuvík en þá var verið að ljúka við byggingu
síldarverksmiðjunnar þar. Faðir minn, Gunnar Daníelsson, starf-
aði síðan við síldarverksmiðjuna í Djúpuvík í átta ár.
Ég hafði samband við Ólaf Bjarna Thorarensen í síma. Hann
er nú 85 ára og er skýr í máli og hugsun með gott minni. Ég ræddi
við hann um atburðinn og eftir að hafa sett frásögnina á blað
sendi ég honum hana til yfirlestrar og hann staðfesti síðan að
þarna væri rétt með farið. Kristinn Jónsson frá Dröngum og móð-
ir mín Jensína Guðmundsdóttir frá Bæ í Trékyllisvík voru skyld í
þriðja lið. Þeir Ólafur Bjarni og Kristinn fóru strax á sjóinn aftur
er þeir höfðu fengið skiprúm. Kristinn gerðist síðar bóndi á
Dröngum í Strandasýslu og kenndi sig eftir það við Dranga. Krist-
inn er nú látinn. Ólafur Bjarni stundaði sjó áfram og varð sjó-
mennska hans ævistarf. Hann sigldi mest á farmskipum til starfs-
loka. Ólafur Bjarni lenti síðar í öðru skipbroti er skip hans fórst í
námunda við Færeyjar. Þá var honum og skipsfélögum hans bjarg-
að með þyrlu frá björgunarstöð í Skotlandi. Ólafur Bjarni Thor-
arensen býr nú í Mosfellsbæ og hefði eflaust frá mörgu að segja af
löngum sjómannsferli ef eftir væri leitað.