Saga - 2016, Blaðsíða 108

ingunum þremur fyrir mannrán árið 1445 og vilja Lynnbúa til að
leysa hin brottnumdu börn úr haldi árið 1429 bendir Helgi á að þar
geti pólitískir hagsmunir englendinga legið að baki og vitnar til e.
M. Carus-Wilson í því sambandi.10 Helgi bendir líka á að á þessum
tíma hafi verið stranglega bannað að senda ensk börn í læri eða til
starfa í borgum og bæjum vegna manneklu í sveitum englands eftir
pláguna miklu.11 Þetta getur skýrt að nokkru ásókn enskra í íslensk
ungmenni.
Það voru áreiðanlega margvíslegar ástæður sem lágu að baki því
að fjöldi Íslendinga axlaði sín skinn og flutti til englands. Innan um
og saman við hafa án efa verið ævintýramenn og fólk sem komist
hafði í kast við lögin en líklegt er að þorri þessa fólks hafi fyrst og
fremst verið í leit að betra lífi eins og jafnan er í svona tilfellum. Í því
sambandi er rétt að hafa í huga að Íslendingar héldu áfram að
flytjast til englands þótt ensku öldinni lyki, eins og Helgi Þorláks -
son greinir frá í bók sinni Sjórán og siglingar.12
en hvað upplýsir gagnagrunnurinn England’s Immigrants, sem nú
hefur nýlega verið gerður aðgengilegur, um þessa sögu? Hvaða
Íslendingar voru þetta sem fluttu til englands á áðurnefndu tíma bili?
Hvar settust þeir að í englandi og hversu mikið má ráða af þeim
upplýsingum sem finna má í grunninum um líf þessa fólks og störf?
Gagnagrunnurinn England’s Immigrants 1330–155013
England’s Immigrants er gríðarmikill gagnagrunnur sem háskólarnir
í york og Sheffield ásamt breska þjóðskjalasafninu, The National
Archives, hafa komið upp á undanförnum árum. Þar er að finna um
það bil 64 þúsund færslur um fólk sem af einhverjum ástæðum
fluttist til englands á tímabilinu 1330–1550.
Aðstandendur verkefnisins geta þess réttilega að til þessa hafa
rannsóknir á innflytjendum einkum beinst að efri lögum samfélags-
guðmundur j . guðmundsson106
10 Sama heimild, bls. 408.
11 Sama heimild, bls. 409
12 Helgi Þorláksson, Sjórán og siglingar. Ensk-íslensk samskipti 1580–1630 (Reykja -
vík: Mál og menning 1999).
13 Allar upplýsingarnar í þessum kafla eru fengnar af vefsíðu gagnagrunnsins og
vísast hér með til hennar ef lesendur vilja kynna sér eitthvað nánar: www.eng-
landsimmigrants.com. Númer þeirra heimilda sem vísað er til í neðanmáls-
greinum eru einnig fengin úr gagnagrunninum.
Saga vor 2016.qxp_Saga haust 2004 - NOTA 17.5.2019 10:09 Page 106