Saga - 2016, Blaðsíða 144

listamaður í dönsku samhengi, varð fyrir áhrifum frá franskri list og
starfaði síðan nánast allan sinn feril í Bandaríkjunum. Nánari
athugun á verkum hennar gæti líka varpað ljósi á sértækt listum-
hverfi hennar í kaliforníu og sett starf hennar þar í staðbundið
sam hengi.
Hrafnhildur dregur fram talsvert af nýjum heimildum, einkabréf
Nínu, blaðagreinar og viðtöl og bregður þanig upp persónulegri
mynd af listakonunni, en mörgum spurningum er enn ósvarað. enn
vantar skýrari mynd af listsköpun Nínu í Hollywood, einkum þeim
verkum sem voru unnin í tré og gagnlegt hefði verið að fá betra
sjónrænt yfirlit og skrá um þau. Þá hefði til dæmis verið forvitnilegt
að skoða sögu Nínu með hliðsjón af sögu fleiri listakvenna í Holly -
wood. Var staða hennar að einhverju leyti áþekk stöðu evrópskra
leikkvenna þar vestra? Þeirra sem lifðu á jaðri draumaverk smiðj -
unnar? Þarna er greinilega eitthvert samhengi því eins og Hrafn -
hildur nefnir hafði það bein áhrif, ekki bara á afkomu heldur einnig
styrkinn í listsköpun Nínu, þegar halla tók undan fæti í kvikmynda-
verum Hollywood á árunum eftir síðari heimsstyrjöld (bls. 137).
Nafn Nínu er ekki að finna í nýlegu uppsláttarriti North American
Women Artists of the Twentieth Century: A Biographical Dictionary.27
Veraldarvefurinn man hins vegar vel eftir mynd hennar af Hedy
Lamarr en myndin var seld á uppboði árið 2010. Forvitnilegt hefði
verið að fá upplýsingar um markaðsstöðu Nínu í Bandaríkjunum og
varðveislustað myndarinnar af leikkonunni frægu, sem verður að
teljast þekktasta verk Nínu á erlendri grund.
Griselda Pollock hefur, ásamt fleirum femínískum listfræð ing -
um, bent á mikilvægi þess að greina neikvæða orðræðu listhefðar-
veldisins um myndlistarkonur. Í samtali við Björn Th. Björnsson, í
kaupmannahöfn 1947, sagðist Nína aldrei hafa „fengið lélegri
dóma“ en á Íslandi og átti þar við umsagnir um sýninguna þá um
vorið. Og hún spyr: „er það ég sem er ómöguleg, eða eru það þeir
heima?“28 Svarið við þeirri spurningu, og skýringin á fálætinu í
garð hennar meðal listamanna á Íslandi eftir síðari heimsstryjöld,
liggur ef til vill í þeirri staðreynd, eins og Hrafnhildur (og Björn Th.
Björnsson) nefnir, að samband listakonunnar við evrópskan list -
heim hafði rofnað. Ríkjandi listorðræða á Íslandi var einsleit og tók
æsa sigurjónsdóttir142
27 Jules Heller og Nancy G. Heller, North American Women Artists of the Twentieth
Century. A Biographical Dictionary (New york: Garland 1995).
28 Björn Th. Björnsson, Íslensk myndlist á 19. og 20. öld. I. bindi, bls. 209.
Saga vor 2016.qxp_Saga haust 2004 - NOTA 17.5.2019 10:09 Page 142