Saga - 2016, Blaðsíða 117

greiða lausnargjald fyrir einn úr fjölskyldunni sem lent hafði í hönd-
um sjóræningja.41
einn Íslendingur er skráður í þjónustu Johns Foster. Líklegt
verður að teljast að það sé sá Foster sem lagði stund á Íslands -
verslun og kemur þar mjög við sögu á árunum 1437–1478. Annar
John Foster starfaði í Bristol um þetta leyti en hann tengist ekki
Íslandsversluninni svo vitað sé frekar en aðrir kaupmenn sem höfðu
Íslendinga í sinni þjónustu og heimildir finnast um.
Ástæða þess að færslan um íslenska þjónustufólkið í Bristol 1483
er svo ólík öðrum færslum er ekki ljós. Skráin er gerð eftir skatta-
hækkunina sem áður var getið og því er hugsanlegt að vinnufólkið
hafi hreinlega ekki haft efni á að greiða skattinn og greiðslan því lent
á húsbændum þess. Því sé nafn húsbóndans skráð en ekki nafn hins
formlega skattgreiðanda.
Íslendingar í London
Samkvæmt gagnagrunninum bjuggu um 14 Íslendingar í London.42
Um þjóðerni eins þeirra virðist þó vera einhver vafi en sá maður heitir
Godern. Tveir aðrir eru skráðir með þetta skírnarnafn í gagnagrunn-
inn en þjóðernis þeirra ekki getið. elstu heimildirnar sem gagna-
grunnurinn vísar í eru frá 1449 en 4. september það ár er John Islond
skráður á Bread St. ward.43 Um sex þessara einstaklinga er ekkert
vitað annað en nafnið og að þeir voru í London á árunum 1449–1464.
Hinir voru allir í þjónustu góðborgara nema John Rosa mond en hann
hélt heimili í Farringdon Within ward.44 ekki hefur tekist að finna
upplýsingar um húsbændur þeirra að einum undanskildum. Þar er
ekki í kot vísað því hann hét Robert Billesdon og var vefnaðarvöru-
kaupmaður og borgarstjóri (e. Lord Mayor) í London 1483, árið sem
Íslendingurinn Barnardus Oxey er skráður í þjónustu hans.45 Billes -
að hleypa heimdraganum 115
41 Ian Wilson, Kólumbus í kjölfar Leifs, bls. 186–187.
42 Helgi Þorláksson hefur eftir Sylviu L. Thrupp að heimildir finnist um átta
Íslendinga í London á síðasta fjórðungi 15. aldar. Líklega eru þeir Barnardus
Oxey og Thurstanus Bruer í þeim hópi en hinir virðast ekki hafa ratað inn í
gagnagrunninn. „Útflutningur íslenskra barna“, bls. 405.
43 N.A. e 179/2235/23, m. 12.
44 N.A. e 179/242/25, m 16v. Reyndar stendur bara að hann hafi herbergi.
45 N.A. e 179/242/25, m 15v. ef til vill er Barnardus þessi ættaður frá Öxney á
Breiðafirði.
Saga vor 2016.qxp_Saga haust 2004 - NOTA 17.5.2019 10:09 Page 115