Litli Bergþór - 01.06.2022, Blaðsíða 26

26 Litli-Bergþór
Nýr sóknarprestur Skálholtsprestakalls.
Þann 1. apríl tók nýr sóknarprestur og þar með einnig
dómkirkjuprestur, sr. Dagur Fannar Magnússon,
til starfa í Skálholtsprestakalli. Fór innsetning sr.
Dags Fannars í embætti fram í Skálholtsdómkirkju á
pálmasunnudag, þann 10. apríl síðastliðinn. Býr hann
ásamt Þóru Grétu Pálmarsdóttur konu sinni og þremur
börnum þeirra á Hvítárbakka á meðan prestssetrið í
Skálholti er gert upp.
Fram til 1. apríl var sr. Bolli Pétur Bollason
fenginn til aðstoðar í prestakallinu, þjónaði hann sem
prestur í Skálholti og söng messur ásamt sr. Kristjáni
Björnssyni vígslubiskupi þar til sr. Dagur Fannar tók
við.
Þess má geta að Dagur Fannar á ættir að rekja í
Tungurnar, því langafar hans og ömmur voru þau
Guðjón Gunnarsson og Erna Brynhildur Jensdóttir á
Tjörn og Smári Guðmundsson og Ída Stanleysdóttir,
sem bjuggu á Upp-Hólum og síðar í Arnarholti hér í
sveit. Guðjón R. Guðjónsson og Perla Smáradóttir, afi
hans og amma, bjuggu lengi í Reykholti.
Skálholtsstaður auglýsti starf ráðsmanns og
umsjónarmanns fasteigna laust til umsóknar og rann
umsóknarfrestur út 7. febrúar 2022. Fjöldi umsókna
barst og var Guðmundur Hrafn Björnsson ráðinn og
tók til starfa þann 1. mars síðastliðinn. Býr hann, ásamt
fjölskyldu sinni í Hrosshaga 3, en þau hjónin keyptu
þá eign af Þóreyju Helgadóttur og Sólon Morthens.
BÍ - Búgreinadeildir koma í stað Landssamtaka
bænda. Sú breyting varð árið 2021, að samþykkt var hjá
öllum Landssamtökum bænda, þ.m.t. Landssamtökum
sauðfjárbænda, kúabænda, garðyrkjubænda, að
leggja þau niður, en stofna í staðinn Búgreinadeildir
innan Bændasamtaka Íslands. Var þetta gert til að
sameina krafta bænda undir sameiginlegum hatti
Bændasamtakanna og gera málflutning þeirra samstíga
á sameiginlegu Búnaðarþingi.
Fyrsta Búgreinaþing BÍ var haldið í byrjun mars
2022. Þar hittust fulltrúar nær allra búgreinadeilda
bænda til að ræða saman og skiptast á skoðunum,
á sama stað og á sama tíma. Búnaðarþingið var
svo haldið í lok mars undir yfirskriftinni Samstíga
landbúnaður.
Tveir Tungnamenn voru kosnir formenn sinna
búgreinadeilda á Búgreinaþingi:
Trausti Hjálmarsson, sauðfjárbóndi í Austurhlíð
var kosinn nýr formaður Búgreinadeildar
sauðfjárbænda og Axel Sæland garðyrkjubóndi á
Espiflöt var kjörinn nýr formaður Búgreinadeildar
garðyrkjunnar hjá Bændasamtökum Íslands.
Gróðurhúsin í Jarðarberjalandi byggð upp
aftur. Samkvæmt Hólmfríði Geirsdóttur voru öll
gróðurhúsin, sem eyðilögðust í óveðrinu í febrúar,
rifin í brotajárn og eru þau hjónin nú í sumar á fullu
að byggja þau upp að nýju. Verða nýju gróðurhúsin
mun öflugri en þau gömlu og þola vonandi öll veður
komandi vetra. Þau verða tilbúin til útplöntunar í
október ef allt gengur að óskum og búast má við fyrstu
jarðarberjauppskeru í janúar 2023, eftir árs hlé.
Samningur við N4. Í vetur samdi Bláskógabyggð við
sjónvarpsstöðina N4 um gerð efnis fyrir sveitarfélagið
í tengslum við þættina „Að sunnan‟ sem sýndir eru á
N4. Áhersla er á efni sem sýnir fjölbreytta kosti við að
búa og starfa í Bláskógabyggð.
Samkvæmt Helga Kjartanssyni oddvita hefur verið
gerður samstarfssamningur til 10 ára
við Geysisholt ehf. í Dalsholti,
um endurbætur á bragganum
við Sandá. Mun Geysisholt
kosta allt viðhald á bragganum
og nýta hann fyrir starfsemi
sína. Ákvæði eru í samningnum um
að fjallmenn hafi afnot af bragganum
á hverju hausti. Í lok samningstímans
verða allar endurbætur og uppbygging
braggans eign sveitarfélagsins.
Ljósmyndasýningin „Þar sem
rósir spruttu í snjó‟ var haldin
í Þjóðminjasafninu í vor með
ljósmyndum Vassilis Triantis í bland
við myndir úr fjölskyldualbúmi
tengdaforeldra hans, þeirra Ástu
Gott mál.....
skyldi þá verða hægt
að leggja sig aftur í
bragganum?
Sr. Dagur Fannar vígður prestur í Skálholti 10. apríl 2022. f.v. sr. Hall-
dóra Þorvarðardóttir, sr. Dagur Fannar og sr. Kristján Björnsson.